QUOTE=بيرلونا العرب;20287374]الله اكبر عليك متأكد انك هلالي والله اني اشك ياخووي...
لو اجيب اصغر مشجع هلالي عمره سنتين اقوله وش مشكلة الهلال
بيجاوبك الدفاع ياحبيبي هوساوي انقذ كوارث في خط الدفاع ...
رحيل لي يونغ وبعد رحيله اجل المرشدي وخيرات ونامي ذولا
بتحط امالك عليهم في اسيا صدقني من مباراة الذهاب وحنا طالعين ...
الصح ياخوي ان دفاع الهلال لازم يكون من جهة اليسار سلمان ومتوسطين الدفاع يحيى مسلم ومدافع اجنبي صخرة وجهة اليمين يكون ياسر الشهراني هذا المفروض الكل يدري ان مشكلة الهلال بالدفاع وانت تقول مايحتاج مدافع اجنبي ...
الهلال يبيله عمود فقري من الاجانب ... ولما اقول عمود فقري اقصد
( مدافع احنبي - محور اجنبي دفاعي وهجومي بنفس القوة زي رادوي - صانع العاب اجنبي - مهاجم اجنبي مجررم
)
شكرا لك ...[/QUOTE]
هلا فيك اخوي واسعدتني بطرح وجهة نظرك ...
الللي يشك بهلاليتي انا كنت ارى خالد عزيز فنان وكان يرمونه مرة مدافع ومرة ظهير ومرة احتياط وكان قاب قوسين او ادني من التنسيق ولاكن الحمدلله انتهبوا في الاخير وطلع نجم لايشق له غبار ..
المرشدي من بداية وجوده بالهلال كنت اتمنى يتنسق لاكن اتوقع له واسطه قويه بالنادي وبسببه خسرنا لاعبين كثيرين بمركزه ..
سلمان الفرج من اول كرة لمسها ويشارك مع فريق الهلال تبين لي انه نجم كبير وانتظروه لو اعطي الفرصه الحقيقه ...
حسن خيرات نجم لايشق له غبار لاكن ظلم مرة احتياط ومرة اعارة ومرة يرجعوه لفريق الاولمبي والبديل المرشدي آآه ياقهر والحين بعد ماشوفوا اسامه بيروح رجعوه ووضعوه في اصعب المباريات وهو غايب كثيرا عن جو المباريات واذا تبغون تعرفون قيمه حسن خيرات خليه يروح للاهلي او النصر وتشوفون مين حسن خيرات
حسن خيرات مدافع كبير لو اعطي الفرصه ووجد مدرب يعرف يوظفه بالشكل الصحيح الكل يطالب بوجوده بالدفاع وترتفع اسهمه امام الجماهير والاندية
الهلال مايحتاج مدافعين اجانب لان عندنا يحي المسلم وبجانبه المرشدي والبيشي والفرج ..
انا ارى الاجانب محتاجينهم في الوسط والهجوم لان الفريق الكبير اللي يبحث عن بطولات يهاجم ويكون له هيبه ...
المحاور فيه محاور شباب من اميز الاعبين السعودين بس لم يعطوا الفرصه ( المحور مو محتاج محور مشهور شوفوا خميس العويران لاعب رايق وحقق مع الاتحاد الاسيويه )
صح الاسيويه تحتاج الى عمل والى لاعبين كبار بس هذي غلطة الادارة لم توقع مع لاعبين مدافعين سعودين انا اشوف النادي اللي يجيب لاعب اجنبي بالدفاع هذا مو نادي يريد بطولات
اذا تبغى بطولات وقع مع مدافعين سعوديين واما الاجانب يكونوا في الوسط والهجوم ( واقرب مثال شوفوا البلطان وش جالس يسوي هالسنه)
بصراحة ياسر الشهراني ارى انه يكون احتياط للبيشي
شوفوا نادي الاهلي له سنوات طويله يحاول ولم يستطيع تحقيق بطوله ولما حصل على لاعب وسط متمكن يوصل الكرة بشكل سلس للمهاجمين بدات ترجع هيبه الاهلي استغرب من الاستهانه بالاعب المهاري في وسط الفريق
وجهة نظري : النادي اللي يوقع مع لاعبين اجانب بالدفاع والمحور هذا مو نادي يبحث عن بطولات
الاعب المغربي العربي فنان ولاكن لايفيد الهلال لان من سلبياته اضاعه الفرص امام الباب واللي حاب يتاكد من كلامي شوفوا منتخب المغربي ليه متاخر دايما بسببه ينفرد ويسوي كل شي الا التسجيل لايستطيع التسجيل
الله يوفق الهلال
