معليش ياجماعه يوم يقول ياسر انه مشتاق لنا وللزعيم ومع هذا تتكلمون عليه شي عيب ..

ياجماعه وربي لو لاعبين الهلال زي روح ياسر والعابد كنا افضل فريق ..

انا اتفق معاكم ياسر نازل مستواه لكن يكفي روحه ..

انتوا شوفوا اش ياسر تعرض له سواء من هتافات في عرضه وهجوم عليه في الاعلام وتشكيك واداره الهلال ساكته وراح العين واول مباره عاقبوا الجمهور وجماهير العين ولاعبينه وقفوا مع ياسر ومع هذا قال انه مشتاق للزعيم .. ولو واحد فيكم تعرض للي تعرضله كان نسى الهلال للابد ولا تنسون ان ياسر ترك الملايين لعيون الهلال ومن اول اللاعبين الي طلع في الاعلام وقال ابي الهلال رغم ان عرض الهلال كان اقل من الاتحاد ويوم انتهى عقده جدد للاداره ع طول رغم انه ماخذ افضل لاعب في اسيا ..

قارنوا فعله بفعل الفريدي رغم ان الفريدي مايجي ربع مستوى ياسر وتاريخه ولا حتى روحه وعشقه للزعيم ..

وبعدين اذا رجع ياسر وش يدريكم انه بيلعب اساسي ؟؟ ولا تنسون ان الهلال الحين احتياط مافيه ولا مهاجم حتى سعد نازل مستواه للصفر ..

أتمنى ندعم روح اللاعب قبل مستواه خلونا ندعمه علشان اللاعبين يعرفون ان الروح أهم من المستوى خلونا نرجع زمن الولاء والانتماء الي يفتقده اغلب اللاعبين نبي روح سامي والنعيمه والثنيان والتمياط ..

شوفوا العابد يوم اشدنا بروحه ازداد الحماس عنده وصار يعطي اكثر .. مو معقوله لاعب يقول اشتقت لكم وتقولون مانبيك وبعدين اذا رجع للهلال المدرب مابيلعبه الا اذا كان مستواه يؤهله ..

ع فكره انا كنت من مؤيدي انتقال ياسرللعين لان مستواه نازل لكن مايمنع اني اشيد بروحه لان بنظري الروح هي الي بتؤدي للمستوى ..