السادة مشرفين واعضاء وزاور شبكة الزعيم الكرام ،،،

السلام عليكم ورحمة الله وبركاته

نفيدكم علما بأن ابنكم واخيكم ( محب الجنه الخرج ) وبفضل من الله تم تعيينه بالقوات البرية الملكية السعودية
وباشر دوامه لدينا
والسلام عليكم ورحمة الله وبركاته

ـــــــــــــــــــــــــــــــــــــــــــــــــــــــــ

خخخخخخخخخ وش رايكم فيني اعرف كتب خطاب

لا جد ابشركم صرت عكسري احمي الوطن

واكتب خطابات سرية وعاجلة

الله يادنيا من ادمي عاطل وينتظر حافز الى ادمي يستلم خطابات عليها توقيع الامير سلمان

طبعا انا كاتب شغلتي بس عيوني بالكمبيوتر واستلم وارسل خطابات وهيك حكي

والله شغلة حلووة وبنفس الوقت غريبة بعض الخطابات تجيني مكتوب عليها سري وعاجل ولما اجلس اقراها عشان اشوف وش اسوي فيها القاها عادية جدا مدري ليش سري وعاجل

وكله كوووم وفيه كتب عن الكيماويات والاسلحة مكتوب عليها محظور واقرا صفحتين ثلاث اربع ولا يمكن افهم شي من المكتوب

بس صراحة اشين شي في العكسرية اذا استقعد لك ضابط كل صباح كل ماشافاني هروول هروول اعوذ بالله مالقى الا انا يبرد حرته فيني

واحلى شي لما يصير ابو خويك نائب مدير الوحدة اللي انت فيها وولد عمك ضابط يشتغل معك خخخخخخ

طبعا ماتصدقون الفرحة اللي عشتها يوم قالوا يلا باشر دوامك من بكررة حسين بوناسة غير طبيعي الحمدلله والشكر لك يارب

عقبال ان شاء الله كل العاطلين ان شاء الله يتوظفون


الحين احس اني بتفرغ للشبكة والانترنت واعيش حياتي واتابع اليورو وانا مستانس نفسيا واشتري ايفون

انتظروني قريبا بنشب لكم بكل موضوع


لاحد يركز ع عنوان الموضوع ترا مامعي ددسن وردي قسم بالله