الشكر كل الشكر لمن حضر في مباراة الغرافة .. لا خلا ولا عدم .. وقبلة على رأس كل منكم
بس ترى عدد الجمهور الحاضر ما يكفي ( 10.000 ) قليلة بالنسبة لشعبية الهلال الجارفة لذا يجب أن نضاعف هذا العدد يوم الاربعاء القادم عموما للي ساكن بالرياض اقول له يجب أن تعمل على تفريغ نفسك ليوم الاربعاء القادم ( كنسل كل مواعيدك ولا ترتبط مع احد حتى لو ابوك عرسه الليله !!! )
نبدأ بالموظفين والطلبة
اذا كنت طالب ولا موظف .. غالبا ستعود من العمل او المدرسة او الجامعة الساعة 2.30 بعدها تغدا بالعافية وبتخلص من الغدا الساعة 3.30 تقريبا .. صل العصر ونم لك ساعتين ونص يعني الى الساعة 6 بعدها قم وغسل وكلك لقمة خفيفة فكوك ريق ( عادي ممكن تفك الريق المغرب 
) .. بعدها توض وصل المغرب في المسجد اللي جنب بيتكم .. وبعد ما تطلع من المسجد على الساعه 7 تقريبا يمديك تروح للبيت بسرعه تشربلك فنيجيل قهوه ولا اثنين عشان تصحصح الى الساعه 7.30 بس لا تتأخر اكثر من كذا .. وبعدها اركب سيارتك ولا يردك الا الملعب .. وما فيه مانع بالطريق قبل ماتوصل للملعب تمر على ربعك وتاخذهم معك ( بس قلهم اجهزوا من بدري ولا يعطلونك 
) العاطلين ( وانا احدهم حاليا 
) هذا بالنسبة للطلبة والموظفين .... اما العاطلين ( وهم كثير للأسف ) هذولا هم اللي صراحة مطالبين بالتشجيع والمؤازرة طوال وقت المباراة... ليه ؟ لأنهم بينامون الى الظهر وبعضهم الى العصر
يعني مريحين على الآآآآخر ... وهذولا تحديدا لازم يجون بدري للملعب بعد المغرب مباشرة عشان يكونون بالنص ... وهذولا ما نعذرهم ابد من عدم الحضور والتشجيع . . والله يوفقكم ويوفق الهلال في آخر مباراة له بالاسيوية ... حضوركم سيكون كلمة السر في العبور لدور الـ 8 بإذن الله ... لا للتكاسل .. لا للمقاهي .. لا للإستراحات .. لا للتلفزيونات .. نعم للملز
