كـــــرامـــتــنـــا مـــن كــــرامــــتــه .. والأداره أذا بتسكت مانبيها .. ونقاط أخري !!
بسم الله الرحمن الرحيم
مدري من وين أبتدي ومدري النهايه وين بتكون !! أشوف شي مايرضي أي مشجع هلالي مخلص ومحب للكيان ..
بتال يتطاول في لقطه الختام على محبوب الجمهور الهلالي والاداره تتفرج .. هذا غالي عندنا خصوصا هو من تكفل بكل شي للجمهور الازرق ..
نقاط كثيره لو بتكلم عن كل نقطه ماتكفي صفحه لها !! وبكذا بذكر النقاط بدون شرح لها الهلالي المخلص هو من نفسه يعرف وش أقصد !!!
بعد مباره بيروزي الايراني ورغم الفوز نزلت موضوع هنا في الشبكه وطالبت اقاله المدرب والكل أنتقدني وماصار وقت كثير وصارت مباره الاهلي والكل الحين يطالب في اقالته !!!
نقاطي ..
_ مدرب ماعنده شي يقدمه للهلال وكل مباره في تخبط وتشكيله جديده وللحين الاداره متمسكه فيه
_ سلطان البيشي الي يقدم أفضل مستوياته أوقف مباره وبعدها الدكه في أنتظاره عبدالله الدوسري مانلومه نلوم الي حطه بالمركز رغم جاهزيت البيشي
_ الزوري ركز شوي ولا تفكر داخل الملعب كثير وش فيك باقي ياسر الشهراني يلعب الموسم القادم !!
_ المرشدي ماقصرت وبيض الله وجهك بس صدقني ماعندك شي تقدمه للهلال غير النكبات المستمره مالومك ألوم الي يشوف مستواك ويسكت !!
_ ركزو شوي معاي المباره الي فيها سلمان الفرج والقرني محاور الفتره الي كان هرماش ماهو موجود كيف كان الفريق متحرك وسريع (( مباره الهلال والأتحاد كاس ولي العهد )) (( مباره الاهلي الاربعه صفر ))
_ هرماش مجتهد بس صدقوني ماهو المحترف الأفضل من الموجودين نبي محترف يكون أفضل من الاعب المحلي مثل رادوي يفرق كثير عن الموجودين
_ يوم يمر ومانسمع لاعب مصاب من الهلال تصبح معجزه !!!! وش السبب ؟؟
_ عبدالكريم الجاسر الموسم الي فات نمدحك بس ماهو أبو يزيد الي نعرفه أمس خسرانين وبعدها بأقل من نص ساعه طالع لي ضيف برنامج كوره !!! حتي تصريحاته تخونه بعض الاوقات !!!
_ هل تتذكرون زمان منصور الأحمد يوم كان مدير الكوره .. كان زمان رائع ..
_ خالد شراحلي وش الي سواه عشان يبعد حتي نهايه الموسم ؟؟؟
_ الحين العربي والكوري أخذووو فرصه كامله وطلع كلهم أقل من عادي .. والحارثي مازال يلعب خمس دقايق .. مرات أحس فيه واسطه !!!
_ اي أعلامي يطلع جديد يجرح بالهلال ويتكلم على كيفه وأخرتها بتال القوس تطاول على الي يقدر الجمهور الهلالي حسن الناقور والاداره تتفرج !!
_ المدرب رايح رايح مافيها كلام طيب ليش الانتظار لين نطلع من أسيا ؟؟
_ الهلال يكرم في برشلونه ومحد داري عنه مافيه أعلام تكلم عن الأنجاز وش الي خلى الهلال يوصل للمرحله هذي حتي الاعلام بدي يبعد عن الهلال
_ عبدالرحمن بن مساعد المثاليه الزايده مانبيها صار الهلال جدار قصير للكل مثاليه مانبيها ..
أخيرااا ..
نطلع من كأس الأبطال عاد نستحمل بس نخسر ولا نتعادل مع الغرافه ونلعب مع الاتحاد بجده وبعدها نطلع من أسيا .. بالحاله هذي عبدالرحمن بن مساعد وسامي الجابر عليكم مقادره الهلال لانكم أنتم السبب خصوصا أنكم تعرفون العله من المدرب وساكتين ..
