|
قدرآت يا قلب العنا قدرآت وش ذنبي انا ؟! <~ فضفضة طالبة ثانويه عامه
. السلام عليكم
صبحتوا بالخير و الرضا والسرور 
اول شي أبيكم تدعون لأهلنا في سوريا ان الله يعجل بنصرهم
ثاني شي الفضاوه ذبحتني و ما حسيت الا انا راعصتن على موضوع جديد وجالستن اكتب
وبفضفض لكم عن هم كثييييير من طالبات الثانويه العامه هاليومين ،، القدراااااات مرعبتني وقسم شي يرفع الضغط من جد يعني صار لنا سنتين وحنا تراكمي وسنتين شايلين هم فـ النهايه يروح هذا كله ادراج الرياح !!
لييييه الظلم هذا؟! مدام ما بتاخذون من نسبتي بالثانويه غير 30٪ ليه الشقا ؟! ليه تمحي تعبي 12 سنه في ظرف 3 ساعات ؟! طيب خلاص رضينا بثلاث ساعات بس على الاقل خلني أتصرف فيها براحتي !! يعني الجزء اللفظي بعشر دقايق بالكثير وانا مخلصه ليه أحط يدي على خدي لين يبدأ الجزء الكمي ؟! المشكله لا بدا الكمي ما توصل للسؤال الثالث الا الساعة ترن وباقي من الوقت خمس دقائق ؟!
انا للمعلوميه موب معارضه فكرة اختبار القدرات  ،، انا ضد انو يعتمد عليه مستقبل الطلبه حرام تروح 12 سنه كذا !! يعني لو انهم قالوا 60 ثانوي و 20 قدرات و 20 تحصيلي قلنا ما يخالف لكن 30 بسسس للثانوي !! ليه صار لنا سنتين مكروفين كرف موب صاحي بالذات البنات دراستهم أصعب من العيال و في النهايه يروح تعبنا هباء منثور !!
ياخي اذا على الـ 100 مليون اللي تكسبونها في سنه وحده مستعدين نسوي قطيه وكل طالب او طالبه يقط ب 100 ريال !!!!
واللي يقهر اكثر انو ما نشوف اي تطوير بذا الفلوس طيب على الاقل جمعوهن وسوو لنا جامعات متطوره الواحد تنفتح نفسه يوم يدرس فيها ولا سوو لنا مشروع لتصريف السيول بجده ياخي !!!
معليش أزعجتكم بهذرتي بس تدرون غايبه و ما وراي شي غير هالقدرات
بسس لا تنسوني من دعواتكم اختباري يوم الخميس الجاي ولو ما جبت فوق الثمانين بططق <~ عشم إبليس بالجنه ^_^
اخر تعديل كان بواسطة » مستشاره في يوم » 13/03/2012 عند الساعة » 09:47 AM | 