هذا يا شباب خشتي اليوم يوم اني قابلت سامي في المبارات النهائيه للطائره بصراحه كنت متردد قلبي يحترق يقول رح سلم عليه بس مدري وشلون المهم سلمت على سامي وقلت له كيف الحال وش اخبارك ومن هالسواليف وبعدين
قلت : لسامي انا عضو في شبكة الزعيم و عندي لك سؤال

قال : ياهلا فيك و تفضل

قلت : وش رايك بالقرار حق الاتحاد الاسيوي بحق الثنيان ؟

قال : والله كلنا تأثرنا بالقرار هذا لكن احب اطمئنك ان النادي راح يستأنف عن طريق الاتحاد الدولي الفيفا

قلت : له شكرا كبتن سامي وشدوا حيلكم يوم الجمعه ان شاء الله وانا واثق ان المنتخب الايراني بينهزم مو بس بيتعادل

قال : ان شاء الله والي مكتوب بيصير

قلت : مشكور يا كابتن

قال : يا هلا وسهلا وبلغ تحياتي لاعضاء المنتدى

================================================================

مقتطفات :

## قابلت اللاعب حسين عبدالغني وكان الكلام هذا بعد ما صلينا العشاء وكان على وصول الامير نواف بن فيصل وقالي حسين تعال من هنا على شان ما ابغى الامير يشوفني المهم مشيت معاه وقلت له ابغى اسالك سؤال قال تفضل قلت صحيح جاك عرض من الهلال قال لا والله ما جاني شي رسمي قلت له اكيد يعني ما فيه شئ قال ايوه قلت له طيب ولا فيه شئ غير رسمي قال لا والله مافيه ويمكن يكون النادي جاه شئ وانا مني عارف قلت له كم بقى من العقد حقك قال اوووه لسى باقي سنتين قلت طيب ولا عن طريق الاعاره قال والله ما جاني شي قلت له اوكي وانا بصراحه ما ابغى اشغلك عن المهمه الاكبر يوم الجمعه بس لقيتها فرصه اني قابلتك وحبيت اسالك قال لا ماهي مشكله قلت له مشكور والسلام عليكم


** اثناء تجولي داخل الصاله قابلت الصحفي احمد المطرودي الكاتب في جريدة الجزيره ومعروف انه رائدي وهلالي فسلمت عليه وكان واقف مع عبدالعزيز شرقي ويتكلمون عن البرنامج الجديد الي في ART المهم قعدت اسولف شوي انا وشرقي ودخلنا في موضوع الادارات وقال انا ابقابل مع رئيس التعاون السكاكر ونائب رئيس الرائد السعيدان قاله المطرودي اخاف انه يكون فيه مشاكل في المقابله قال ان شاء الله يطاقوا هذا الي إحنا نبغاه وقال بعدين لاتخاف ما فيه احد تخاف انك تقابل معاه مثل عبدالرحمن بن سعود هذا الي صدق تخاف منه قلت ليه قال شفت كيف كان بعد ما فاز الهلال في البطوله العربيه كيف تكلم وفشل السعوديين كلهم قلت طيب الحين ليه الشباب يبيعون لاعبينهم قال شوف خالد بن سعد مافيه زيه كل اللاعبين الي باعهم اصحاب مشاكل قلت مرزوق وش فيه قال تبغى اقولك بصراحه مرزوق صاحب (ش....ب) قلت مرزوق قال ايوه شقته في جده ويجيه سعيد العويران قلت والله غريبه قال لا تخاف مافيه لاعب يبيعوه الا عنده ملف بالكامل عنه وبعدين خشيت في الموضوع الي انا ابغاه قلت له يا اخي انا استغرب الحمله الي على سامي قال اي حمله شف اول ما دخل كل الجمهور يرددون سامي ...سامي ...سامي وهذا ماهو كويس قلت طيب وش ذنب سامي اذا كانوا يحبونه الجمهور وبعدين انا ما اتكلم عن الجمهور انا اتكلم عن الصحافه قال ايش الي في الصحافه قلت جريدة الرياضيه وانت كنت رئيس التحرير اول قال وش الي صار في الرياضيه قلت له الاشاعه الي طلعوها بعد مبارات الامارات الوديه الي في الشرقيه يقولون سامي ظربوه بالقوارير قال متى الكلام هذا غير صحيح قلت له ارجع للرياضيه وشوفها بالخط العريض او اتصل على الحمادي واسئله وبعدين يكون بعلمك انا مشارك في المنتدى الهلالي وترا فيه مطالبه قويه بمقاطعة الجريده قال ( اوووف ) قلت هذا الكلام وقال وبعدين يكون في علمك سامي خلاص بيتركم قلت وين بيروح قال يدور فريق الحين بالامارات خلاص الحين ما يدور غير الفلوس يقول (يتكلم بلسان سامي ) انا ما ابغى اجلس في الهلال لانه الحين فيه خلافات بين الامراء في النادي ومااعرف مين الي بيدعمني ومين اكون معاه قال وشوف الحين فيصل ابوثنين لاعب راقي وشف كيف انتهى من المشاكل الي في النادي قلت ما اتوقع الكلام هذا صحيح قال فيصل ابوثنين لاعب راقي شوف كيف انتهى قلت له مع مين هو مشكلته قال شوف البرنامج يوم الاثنين وتعرف كل حاجه قلت له والله بصراحه انا ما عندي ART قال اقولك حاجه قلت له قول قال يوم يكتب سامي في مبارات البحرين انا احبكم يقول انا سالته ايش الي كتبته يقول ان سامي يقول انا ما كتبت انا احبكم ( شف النصاب الشرقي ) انا كتبت ( طز فيكم) وقلت انا احبكم بس كذا قلت يا اخوي واضحه في الاوربت جابوها قال لا قلت اوكي على العموم مشكور ومع السلامه ..........






وهذا يا شباب كل الي صار اليوم وادري اني طولت عليكم لكن معليش