هلا بالغالي STS2005
أنا ما أدري ليه أعصابي هادئة في الموضوع هذا..
يعني أحاول إني أسخر وأمرمطك في النكبات اللي جايبها في ردودك ولكن مو قادر مدري ليه.. مع أن النكبات كثير ولكن واضح أن ثوب المحترم اللي لبسته مو قادر أفصخه.. مع أنه مو لايق علي..

إقتباس الرسالة الأصلية كتبت بواسطة STS2005 وش ذي الاحضان اللي كلها تفجيرات وسب وشتم ولطم ومظاهرات واغتيالات لرموز السنه و اخرهم رفيق الحريري و الكوارث الاعلامية الكاذبة من قناة العالم . اذا كانت هذه احضان ابو الحب اللي كذا يا شيـخ .. اللي اعرفه اذا كانت (س) في احضان (ص) المفروض (ص) تضبط امور (س) وما تضغط عليها في مناطق مهمه داخل ارضها في الشرق او الجنوب . والسئوال اللي يكرر نفسه لماذا (ص) كلما طقت حصاة ارض وتم تهديدها على برنامجها النووي طلبت تدخل (س) عشان تسلك امورها مع ( ط ) عشان ما يتم ضربها ؟ الصراحه ما ادري مين اللي في (جضن) ميــن ومثل ما قال عبدالحليم حافظ (رميت نفسك في حضن لقاك الحضن حـزن).. والمصيبة يا دوق كلما قلنا شي قلت مصادركم تلعب عليكم وفي نفس الوقت تجيب لنا مصادر يا سواليف حريم او جلسة شيـاب .

حبيبي STS الله يخليك فتح مخك شوية معي.. شوية بس مو كثير..
أنا قلت لك بأن س مرتمية في أحضان ص وليس العكس.. يعني تحليلاتك هذه مالها داعي..
لأن ص هي اللي داعسة على س وجالسة تهددها كل شوية وفي النهاية س ما عندها إلا كم تصريح خجول وإذا جا الجد أيدت ص حتى ضد مصالح الشعب السوري باستضافة سفن حربية..
لو قرأت تصريحات وزير الدفاع الإيراني بشأن السفن الحربية وأقواله بأن إيران ستضرب بيد من فولاذ وأن استضافة السعودية ما هو إلا تأكيد للسيطرة الإيرانية على الخليج الفارسي.. لو قرأت هذه التصريحات كان استحيت من كونك متسعود ولكنك يا الغالي للأسف ما تسمع إلا غصب واحد عشان كذا ما تشوف التصريحات اللي تفشل..
عوداً على بدء
س مرتمية في أحضان ص وبقوة وفي أحضان ط كذلك..
بس مدري ليه ضحكت يوم تقول بأن س تسلك أمور ص مع ط..
هي س يا الله تسلك أمور نفسها في المنطقة خلك تسلك أمور ناس ثانيين..
يا حبي لك يا الغالي..

إقتباس الرسالة الأصلية كتبت بواسطة STS2005 معليش يا ابو دايسكي فكر معي شوي وانسى اننا (اصدقاء لدودين) لو مثلا اتصل عليك واحد ما تعرفه وقال يا ابو الشباب فيه ( مرقص) توه فاتح في شارع الستين بتطق الشخص وتاخذ معك فلوس لزوم التنقيط وبتقول له (قدام)؟ وتبيني اصدق الحرمه المسكينة .. هي مسكينة واتفق معك على هذا الشي لكن عاد (قووووويه) انها ما تعرف اللي خطط .

شوف يا الغالي
لو الظروف قلاقل واضطرابات مثل اللي كان حاصل تلك الفترة صدقني أقول قدام..
مو قدام على المرقص يعني.. أقصد قدام مثلاً لعمل مظاهرة.. أبسط مثال شوف اللي سووه شباب الجنوب في جامعة الملك خالد اليوم..!!
http://www.youtube.com/watch?v=E_Ldd...ature=youtu.be
هل كان ممكن يسوون كذا قبل سنة..!! صدقني لو تعطي كل واحد عشرة آلالاف ريال وتقول له أطلع وقول يسقط مدير الجامعة الراشد ما طلع لو كان ايش..
أيام السلم الواحد يكون في غاية الحذر من التورط في أمور مثل هذه ولكن في ظروف خطابات المشايخ ضد الدولة والغزو العراقي ممكن أن الواحد يسوي بلاوي ما يسويها أوقات الرخاء..
اللي اقصده من الكلام أعلاه أن شوية النسوان ذول طبيعي لو جاها اتصال من زميلتها الأكاديمية عن أن يوجد زميلة أخرى قالت بأنها ستقود السيارة راح تقول قدام.. والزميلة الثانية راح تقول للثالثة: يوجد زميلة قالت أنها راح تقود السيارة فراح تقول الثالثة قدام والثالثة راح تقول للرابعة .. إلخ
هذا اللي يسمونه بالإنجليزي Chain of Events يعني يحصل شيء ويكون مرتبط بحدث قبله ولو ترجع للحدث الأول تجده شيء تافه أو مجهول المصدر..!!
اللي نبحث عنه من هو المصدر المجهول..؟؟
كساب العتيبي ومحمد المسعري وسعد الفقيه وغيرهم من المعارضين السعوديين متفقين ويؤكدون بأن المصدر المجهول هو سلمان بن عبد العزيز آل سعود..
حسبي الله عليك زعلتني يوم تقول سواليف نسوان خليتني أقول كلام ماله داعي..

إقتباس الرسالة الأصلية كتبت بواسطة STS2005 وش ذا الكلام يا دوق فليد قل غيره تكفى ؟؟ اللحين فاتح موضوع ومجرجر خلق الله معك وفي الاخير اثرك ما خذ الخبر من (كبار السن ) ووكالة يقولون ؟ يا خي ما يحتاج اسئل اللي عاصروا الحرب وبعدين تعال ترى القضية كانت قبل الحرب وانا اخوك شكل كبار السن ضللوك وراجع القضية وتاريخها زين وتاريخ الحرب

حسبي الله على إبليسك فتح مخك معي مرة ثانية..
الأحداث اللي جالسين نسردها أحداث شعبية ومرتبطة بالمجتمع يعني من فين راح تاخذها..؟؟
من غصب واحد واثنين ولا من جريدة عكاظ..!!
يعني بالله تبغى إعلام وصحف وكتب سعودية تقول بأن الشارع السعودي اثبت عدم شرعية النظام..؟؟
يا طويل العمر..
أساساً خبر دخول العراق الكويت لم يعلن عنه الإعلام السعودي إلا في يوم 9 أغسطس واللي كان يتابع غصب واحد واثنين والجرائد السعودية ما راح يعرف عن المصايب اللي صايره في الدنيا من حوله إلا الذين منّ الله عليهم بنعمة الإذاعات الأجنبية مونت كارلو والببسي سي..
يعني المصادر الشفوية لا تستهين بها يا الغالي مع أن يوجد برامج غربية كذلك تحدثت عن الأزمة..
ولكن مصيبتكم لا تعترفون بمصادر شفوية ولا مصادر غربية.. ما تعترفون إلا بغصب واحد وعكاظ وهذه أكبر وسيلة تضليل في الكون..

إقتباس الرسالة الأصلية كتبت بواسطة STS2005 وفي حاجة مهمه انت نسيتها وهي اصلا اساس موضوعك ان الحكومة استغلت هذه الحادثة لإشغال الناس عن الاستعانة بالقوات الاجنبية . الحاجة هذي لو تسأل كبار السن اللي عندك من اللي نشر هذه القضية وخاصة (البيان) اللي كان فيه خبر الحادثة وقائمة اسماء النساء بتلاحظ ان اللي نشر هذه الحادثة هم (نفسهم) اللي انت تدعي ان الحكومة تبي اشغالهم .

وهل نفيت أنا هذا الشيء..؟؟
بالعكس موضوعي كله قائم على أن الشعب لديه فوبيا تجاه أي شيء يتعلق بالمرأة ولذلك أول ما حصلت هذه الحادثة قاموا بالتشنيع على النسوة اللي قمن بهذا العمل..
الغالي STS2005..
هل قرأت الموضوع..

إقتباس الرسالة الأصلية كتبت بواسطة STS2005 الصراحه انصدمت من هذه الفقرة وكنت اضن انك ملم بكافة الاحداث وعايشتها شخصيا او انك استقيت معلوماتك من جهات رسمية موثوقه كما هي عادتك اما ان تطرح قضية وتبني عليها استنتاجات ومصادرك كلام شياب ويقولون فهذا خطأ يسجل للتاريخ المعاصر والصراحه تولد لدي تساؤل ربما ابني عليه مداخلاتي التالية وهي (وش الاحداث اللي عاصرتها بالضبط) عشان الواحد يكون جاهز . يعني اذا كانت حرب الخليج ما امداك عليها اجل وش اللي لحقت عليه بارك الله فيك .

طال عمرك لاحق على الحرب وتفصيل الرد على كلامك هو بتكرار كلامي اللي فوق.. يمكن تقول لي وش الجملة هذه الغبية واللي مالها داعي..
صراحة مدري ولكن اقتبست كلامك هذا مرة ثانية ومو فاضي أمسحه..

إقتباس الرسالة الأصلية كتبت بواسطة STS2005 ولكن عزائي الوحيد انك قمت بزيادة ثقتي شخصياً وولائي لحكمة القيادة وحسن ادارتها للأمور في ذلك الوقت العصيب الذي نسأل الله ان لا يتكرر .

اشم في هذا الكلام رائحة مباحثية..
أمزح معك يا الغالي لا تزعل..
اللي اقصده ما هي الحكمة في بناء جيش ضعيف أو بالأصح عدم بناء جيش من أساسه..؟؟
وأساس المشكلة كان بالإمكان حلها سياسياً حتى لو كان بتسديد ديون العراق بدلاً من دفع أضعافها المضاعفة للغرب والصليبيين..

إقتباس الرسالة الأصلية كتبت بواسطة STS2005 هاه .. المشكلة له اكثر من معنى عشان كذا حطيته لكن يفهم على حسب السياق لكن برضو ينفع مع قضيتنا الشائكة . ومعناه بكل اختصار (خف من المسبط) كلمة مسبط يعني (الساكت) اللي ما تدري وش وراه .

العذر منك والسموحة يا الغالي ولكن مازلت على وضعي ما فهمت..
أنا عندما أكون محترم أو أمثل دور المحترم أصير غبي وما أفهمها وهي طايرة أو زاحفه..

إقتباس الرسالة الأصلية كتبت بواسطة STS2005 كل الشكر والتقدير لك على اريحيتك وسعة صدرك ومهما اختلفنا فمن المؤكد انه مجرد نقاش او حوار او كما يقولون ندوه مصغرة لا تتعدى روح الأدب والاحترام . مع تحيات اخوك الكبير << من المعاصرين لحرب الخليج الثانية وبكل فخر

حاشا وكلا..
تراني شايب من مواليد الثمانينيات وليس كما فهمت أنت..
ولكن استشهادي بمعاصري الحرب الكبار هو لإقامة الحجة عليك وكذلك لأن مواليد الثمانينيات لن يكونون في وعي كامل لإدراك ماهية الأوضاع فوجب الاستعانة بالذاكرة الشعبية

وحياك يا الغالي وصدقني اسعدني تواجد ولا تزعل تراني أحبك