نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

STS2005 · #65 10/03/2012, 01:01 AM

الأخ المناضل دوق فليـد
تحية طيبة وبعد .
سرني تعقيبك على ردنا المؤرخ في يوم 6 من شهر تشرين وما حمله من عقلانية وحيادية ومشاعر اخوية واتمنى ان يكون هذا ديدننا جميعا فليس المطلوب منا ان يقنع اي طرف الاخر ولكن هي مجموعة من الاحداث التاريخية والتي لابد ان يفندها من عاصرها بكل صراحه بدون تحوير او تحريف وبكل أمانه .

إقتباس


	خلاص جاوبنا أنت على السؤال التالي البسيط وغير المعقد.. عندما ترى دولة ( س ) مرتمية في أحضان دولة ( ص ) وتحاول استرضاءها بكافة الطرق.. ثم بعد ذلك ( تدعي ) ( س ) أمام شعبها بأن ( ص ) دولة تثير الفتن والقلاقل وتمارس تخويف شعب دولة ( س ) من دولة ( ص ) ماذا تسمي ما تفعله ( س )..؟؟

بــسم الله الرحمن الرحيم

الجواب : السرداب

وش ذي الاحضان اللي كلها تفجيرات وسب وشتم ولطم ومظاهرات واغتيالات لرموز السنه و اخرهم رفيق الحريري و الكوارث الاعلامية الكاذبة من قناة العالم .
اذا كانت هذه احضان ابو الحب اللي كذا يا شيـخ ..

اللي اعرفه اذا كانت (س) في احضان (ص) المفروض (ص) تضبط امور (س) وما تضغط عليها في مناطق مهمه داخل ارضها في الشرق او الجنوب .
والسئوال اللي يكرر نفسه لماذا (ص) كلما طقت حصاة ارض وتم تهديدها على برنامجها النووي طلبت تدخل (س) عشان تسلك امورها مع ( ط ) عشان ما يتم ضربها ؟ الصراحه ما ادري مين اللي في (جضن) ميــن

ومثل ما قال عبدالحليم حافظ (رميت نفسك في حضن لقاك الحضن حـزن)..
والمصيبة يا دوق كلما قلنا شي قلت مصادركم تلعب عليكم وفي نفس الوقت تجيب لنا مصادر يا سواليف حريم او جلسة شيـاب

.

إقتباس


	والله وش نسوي يا الغالي لك.. إذا أنت راسك يابس وما تبغى تصدق اللي ساقوا السيارات أجل من تبغى تصدق.. طيب خلاص عزيزة المانع وفوزية المدري ايش كلهن كذابات.. أنت من تحليلك للأمور من السبب في تلك الحادثة..؟؟ يا أخي الحرمة تقول لو أنها هي اللي خططت كان راح تفتخر بالموضوع ولكنها نفته رغم أن كل الناس كانوا يعتقدون أنها هي من خطط.. إنت إلا بالقوة تبغى تتهم الحرمة مسكينة..!! والله أمرك غريب يا STS2005

معليش يا ابو دايسكي فكر معي شوي وانسى اننا (اصدقاء لدودين) لو مثلا اتصل عليك واحد ما تعرفه وقال يا ابو الشباب فيه ( مرقص) توه فاتح في شارع الستين بتطق الشخص وتاخذ معك فلوس لزوم التنقيط وبتقول له (قدام)؟
وتبيني اصدق الحرمه المسكينة .. هي مسكينة واتفق معك على هذا الشي لكن عاد (قووووويه) انها ما تعرف اللي خطط .

إقتباس


	أنا ساكن في جدة.. وصدقني كل اللي عاصروا الأمر من كبار السن يقولون بأن الخبر وصلهم في نفس اليوم واشتهر الخبر كالنار في الهشيم وأصبح خطب الجمعة في كل المملكة تتكلم عن النسوان هذول.. يا أخي إذا ما تبغى تصدق اسأل واحد من كبار السن معاصر للحرب.. وبالعكس انتشار الخبر بهذه السرعة يزيد الشكوك أكثر وأكثر..

وش ذا الكلام يا دوق فليد قل غيره تكفى ؟؟ اللحين فاتح موضوع ومجرجر خلق الله معك وفي الاخير اثرك ما خذ الخبر من (كبار السن ) ووكالة يقولون ؟
يا خي ما يحتاج اسئل اللي عاصروا الحرب وبعدين تعال ترى القضية كانت قبل الحرب وانا اخوك شكل كبار السن ضللوك وراجع القضية وتاريخها زين وتاريخ الحرب

وفي حاجة مهمه انت نسيتها وهي اصلا اساس موضوعك ان الحكومة استغلت هذه الحادثة لإشغال الناس عن الاستعانة بالقوات الاجنبية .
الحاجة هذي لو تسأل كبار السن اللي عندك من اللي نشر هذه القضية وخاصة (البيان) اللي كان فيه خبر الحادثة وقائمة اسماء النساء بتلاحظ ان اللي نشر هذه الحادثة هم (نفسهم) اللي انت تدعي ان الحكومة تبي اشغالهم .

الصراحه انصدمت من هذه الفقرة وكنت اضن انك ملم بكافة الاحداث وعايشتها شخصيا او انك استقيت معلوماتك من جهات رسمية موثوقه كما هي عادتك اما ان تطرح قضية وتبني عليها استنتاجات ومصادرك كلام شياب ويقولون فهذا خطأ يسجل للتاريخ المعاصر

والصراحه تولد لدي تساؤل ربما ابني عليه مداخلاتي التالية وهي (وش الاحداث اللي عاصرتها بالضبط) عشان الواحد يكون جاهز

.
يعني اذا كانت حرب الخليج ما امداك عليها اجل وش اللي لحقت عليه بارك الله فيك

.
ولكن عزائي الوحيد انك قمت بزيادة ثقتي شخصياً وولائي لحكمة القيادة وحسن ادارتها للأمور في ذلك الوقت العصيب الذي نسأل الله ان لا يتكرر .

إقتباس


	ولك التحية يا الغالي ولكن من جد ما عرفت معنى المثل.. إذا معناه وصخ لا تقوله ارسل لي معناه رسالة خاصة.. شكراً لك يا الغالي والموضوع موضوعك..

هاه ..

المشكلة له اكثر من معنى عشان كذا حطيته

لكن يفهم على حسب السياق لكن برضو ينفع مع قضيتنا الشائكة .
ومعناه بكل اختصار (خف من المسبط) كلمة مسبط يعني (الساكت) اللي ما تدري وش وراه .

كل الشكر والتقدير لك على اريحيتك وسعة صدرك ومهما اختلفنا فمن المؤكد انه مجرد نقاش او حوار او كما يقولون ندوه مصغرة لا تتعدى روح الأدب والاحترام .

مع تحيات اخوك الكبير

<< من المعاصرين لحرب الخليج الثانية وبكل فخر