هلا أخوي أنا ما أستبعد أي شي من مستشفياتنا

قبل قرابة خمس سنوات أو أكثر تعرض أخوي الصغير وزميله لحادث بالقرب من طلعة القديّه

المهم جاء الإسعاف ووداهم للشميسي , طبعاً كان إصاباتهم خطيرة نوعاً ما , المهم يوم وصلو للشميسي رفضوا يستقبلونهم بحجة إن مامعهم اثباتات طيب هذي حالة طوارئ يعني على الأقل تراعون الجانب الإنساني بالموضوع ورفضوا , فوداهم الإسعاف لمستشفى المزاحمية ولعل أخوي طاح بيد سبّاك مصري ارتكب خطأ طبي وليومك وهو يعاني منه , وحولناه للتخصصي وسوو له عملية وبعد صارت خاطئة والدكتور اللي سواها له صار يتهرب من الحضور , إلي رافع ضغطي إنه كان رئيس قسم الجراحة بالمملكة في هالتخصص ..... ,
الحين يراجع عند التخصصي يقولون له الدكاترة من سوالك العملية مب معقول إنك سويتها هنا
وإلى يومك ماجد جديد بهالموضوع .

ما أقول إلا الله ينتقم لنا من الظالم

وحسبي الله على هالشكليات المعفنة في قطاع الصحة .
..................

والله يغفر ويرحم هالرجال الباكستاني

ويسكنه فسيح جناته