|
اقول ترى ملّينا الزعامه شوفوا لنا غيرها
[align=center]بسم الله الرحمن الرحيم
والسلام عليكم وحمة الله وبركاته
هل ملينا الزعامه وبدينا نطفش منها؟؟
لاجديد في عالم الزعامه
ابدا من الجمهور وهو الاول وهو عصب هذا النادي الازرق بالامس الكل شاهد استاد الامير فيصل وهو يمتلى بالجمهور ومثلهم خارج الاسوار والنادي المنافس حتى الدقيقه 15 لم يمتلى نصف مدرجاته ؛ وقبلها المباراة مع نادي الاتحاد في جده في عقر داره وكان لي شرف حضورها ومع هذا غطى الازرق مدرجات استاد الامير عبدالله الفيصل
يقال بان هذين الفريقين ينافسان الهلال في الجماهيريه والاثباتات شوهدت بالعين المجرده والاجواء كانت جميله ولايوجد غبار يعتم النظر على من لايريد النظر
على فكره كنا نتغنى برابطة الاتي وانها الوحيده في المملكه فتعال على حسابي الخاص وتمتع برابطة الهلال في الرياض وفي جده وفي الدمام وفي القصيم وفي الجنوب وفي سان فرانسيسكو وباريس وفي وكل مكان[/align]
[align=center]هل يوجد منافس ؟ لا [/align]
[align=center]طيب مامليتوا الزعامه؟؟[/align]
[align=center]الاعبين: تحتار في ماتختار اذا بغينا الشلهوب يسار قلنا وكماتشو ؟ واذا بغينا البرقان وعزيز قلنا طيب الغنام والغامدي وينهم؟ واذا قلنا سامي والصويلح قلنا الموري والعنبر افضل واذا بغينا الدعيع قلنا ياخوي العتيبي مبدع واذا بغينا الدوخي قلنا حطوا ياسر الياس وخلوا الدوخي وسط ايمن؛ الخثران ماراح يلعب فاحترنا بين مضواح والجري من اجدر ؛ اليوم بيلعب خليل مع المفرج سلامات الجنرال تفاريس وينه ابد راحة محارب طيب ليه مايلعب الهليل ولا شريده ؟؟
عندك 3 فرق هلاليه اختر اللي تبي
وانا بدوري راح ارفع طلب لرعاية الشباب ليشارك الرديف الاول والرديف الثاني في الممتاز لانه لاينفس الهلال الى الهلال ونجد المتعه والاثاره وهذا في مصلحة الكره السعوديه[/align]
[align=center]هل يوجد منافس ؟ طبعا لا [/align]
[align=center]اذا مامليتوا زعامه؟؟[/align]
[align=center]المدربين: باكيتا يصرح اريد تدريب منتخب البرازيل من بوابة الهلال وفي الفرق الاخرى يوزعون عليهم كروكي لخط سير المطار وقيمة التذكره محجوزه ودرجة ضيافه بعد بس يبي له تاكيد حجز لان المدرب الثاني في الطريق والوعد المحاكم الدوليه لاسترداد الكرامه والدراهم!!!!!
لاجديد على الهلال يقدم المدربين وليس المدربين تقدمه فنصيحه للمدربين الي يبي يرفع قيمةعقده يكتب بنط في سيرته الذاتيه انه زار العريجاء ودرب نادي الهلال وياخذ له صوره بجوار مندي النادي ;) [/align]
[align=center]هل يوجد منافس؟ اكيد لا [/align]
[align=center]قولوا لي مامليتوا زعامه؟؟[/align]
[align=center]البطولات: ومازال الهلال يغرد في السرب بـ 41 بطوله يسبق اقرب منافسيه بـ 12 بطوله او اكثر والان نحن على اعتاب مجد جديد ونهائي قادم واضافه جديده فهذه فترينة الكووس على احر من الجمر تنتظر يوم الجمعه القادم لاستقبال الساكن الجديد في الفترينه ومايدرون وين يحطونه على شارع 20 شمالي ولا 15 غربي فما نقول الا يارب من جد وجد ومن زرع حصد فماخاب من دعاك ورجاك واجعل الفوز باذنك هلالي[/align]
[align=center]هل يوجد منافس؟ بتقولون لي لا [/align]
[align=center]واقول لكم مامليتوا زعامه؟؟[/align]
[align=center]الاداره: اكثر مايقال عليها خير خلف لخير سلف قياده حكيمه وقياده ربانيه خبيره؛في الترحال دائما الربان متوجس خائف قلق يبي المرتحلين في اتم راحه وهذا ابوسلطان ماسك الدفه بنسفة الشماغ البسيطه التي تدل على تواضع هذا الرجل والجمهور الازرق في راحته يستمتع بما يقدمون في السفينه الزرقاء وكلها من درجة vib ولما تصل هذه المراكب لموانيها يفرض هذا الربان احترامه للجميع ويحترمون المرتحلين معه فهنيئا لنا بابوسلطان ومن هم من قبله وباعضاء الشرف اللي يرفعون الراس[/align]
[align=center]ببساطه هذا الزعيم هذا فريقنا الهلالي
محسودين على هذي النعم الله يدومها علينا ولا تغيرها يارب علينا فلك الحمد والشكر فشكروا وحده ليزيدكم من نعمه
طبعا سالتكم مامليتوا زعامه وانا عارف ردكم بتقولون لا والف لا
ولسان حالكم يقول ويرد علي:[/align]
يابن ادم كل ماقلت الزعامه للزعيم # ينتشي بي كبريائي فوق شاهقت الصروح  | 