12/02/2012, 05:32 AM
|
 | زعيــم نشيــط | | تاريخ التسجيل: 05/10/2009
مشاركات: 685
| |
 هذا الزعيم
هذا الزعيم اللي له الكاس مشتاق
نادي البطولات اللي كثيرٍ عددها
نادي الوطن بيرقه دوم خفَّاق
عند المحافل هو أسدها وهو فهدها
أعطى جماهيره مع المجد ميثاق
وعاهد منصات الذهب وأوفى بوعدها
كل البطولات جابها بفن وأخلاق
وهذي عوايد من قديم عهدها
أكتب على الصحرا وسجِّل بالأوراق
كم من بطولاتٍ كثيرة حصدها
فاقت على الخمسين والنِّيم ما فاق
يحسب أن المجد عقده وعقدها
المجد يبغى رجاجيل حِذّاق
تعطي عطاياها ولا ينفد مددها
والمجد يبغى نجوم ما تعرف الإخفاق
تعطي بعزم وروح والله سندها
حبّ الزعيم بدمها حب دفَّاق
ما ترتضي غير الزعامة في بلدها
والمجد يبغى جماهير عشاق
تكثر مع الأيام ما ينقص عددها
تنشد وتهتف شدها شوق وأشواق
بفوز النجوم الزّرق يكمل سعدها
كل التهاني للهلال من الأعماق
بكاسٍ ولي العهد كمَّل سعدها
عوااافي على نقل اخبار الزعيم وصح لسان الشاعر ويستاهل الزعيم |
