الله يعطيك العافيه محمد .. مو كأنك سرقت هالتقديم مني خخخ ..
على العموم تقديم بطل ! يعطيك ربي الف عافيه ..

بتكلم بشكل سريع لان اتوقع اتضحت معالم النهائي بنسبة ( 50% ) ..

ميرانديس & بلباو ..
مباراة للتاريخ طبعاً لميرانديس والاحسن انه يدخل الكل بالكل مثل مدريد في اياب الكأس طبعاً اذا يبي نتيجه زينه .. اذا مايبي يركن نفسه بالدفاع والله لايهينه بتجيه صواريخ من ( يورينتي ) بلباو يلعب بفرص كثيره تطير فيه للبطاقة والتأهل واهمها انتصاره بملعب ( ميرانديس ) 2/1 .. ميرانديس عندهم مدرب كبير من ناحية التكتيك لكن ماحولك لعيبه الله يعينهم .. بصراحه وصولهم لهالدور يعتبر نهائي الابطال يعني شيء موب بسيط انك تعدي ( الفياريال ) ومن ثم ( الراسينغ ) وتجي وتدوس على الجانب المظلم عندنا شيء كبير .. وانت فريقك في الدرجه الثالثه او الثانيه .. الوكاد وصولهم لهالدور انجاز ! اتوقع اذا ميرانديس يبي يبدأ المباراة مدافع اتوقع تنتهي بنتيجه كبيره خصوصاً ودفاع ميرانديس لك عليه .. اما اذا دخل المباراة الكل فـ الكل صدقني بيسوي مفاجأه ثانيه ويبي يطير للنهائي .. على العموم اتمنى نشوف مباراة كبيره وتحمل الكثير من الاهداف !

..
..

برشلونه & فالنسيا ..
اتوقع المباراة راح تكون مثيره لابعد الحدود يعني اتوقع الفالنس يفاجئوننا بهدف خطافي في اول الدقائق , وربعنا يتحمسون لا سجلت فيهم هدف , فالنسيا جاي من مباراة اتليتكو مدريد وبصراحه فريقه ارهق لابعد الحدود خصوصاً من فالكاو الي الى الحين مستغرب كيف طلع فالنسيا من ذيك المباراة بتعادل .. صدق الدنيا حظوظ
المهم فالنسيا مرهق على الاخر واتمنى نشوف هالتأثير عليهم في المباراة خصوصاً بالجهه اليسرى المتعبه بقيادة ( البا ) و ( ماثيو ) وفيه دفاعهم قوي جداً رامي وحش وحش وحش , توبال مثله , لكن نقطة ضضعفهم الجهه اليمنى , ماعندك احد واتمنى يستغلها برشلونه صح بتواجد تيلو وانيستا .. عندهم مهاجم مايرحم ويخطف لك هدف من انصاف الفرص , بصراحه فريق كامل والكامل وجه الله .. عندهم محاور قادرين على فرص اسلوبهم لكن المشكله فيهم خشونه الله يعين بس .. طبعاً هم مايعانون من اي اصابات بعكس برشلونه الي عنده اصابة مهمه بوسكي ومع ان الاخبار تقول انه بيلعب لكن ماظنتي دام فيها خياطه الدعوه .. على العموم اتمنى نشوف مباراة كبيره تحمل اسم وعراقة الفريقين .. اتوقعها ( 2/2 ) ويطير فالنسيا بالبطاقة واتمنى ( 2/0 ) .

يعطيك العافيه محمد ومحمد