|
الله يقلع الروضه =)
اليوم مو زي اي يوم في حياتي اول مرة اعيش تجربه الانفصال لا اقصد عاطفيا  و انما عمليا اليوم انفصلت من عملي
نادتني المديرة و قالت لي تعالي نهايه الدوام كنت حاطه ببالي انها مشكله مع المساعده كالعاده تضارب اراء و خلافات لكنها قالت لي انا اقدر لك مجهودك في الروضه انا من يوم ما قالت كذا عرفت انهم بيفصلوني لانه عمر الانسان ما تقدر و هو موجود و من هالكلام و انا بينت لها انو عادي و كذا و انها صادقه و رحت و العبرة تخنقني
من اول اقول مدري ليش مشاعري اليوم زايده تجاه الاطفال
في وقت الفسحه تضاربو و مدري ليش ......سالتهم ايش بهم قام رد على يوسف قال يا ابله انا خلصت اكل اول يعني انا اوقف بالطابور اول واحد و كثر الهرج قلت يوسف لا تكذب و هو كذاب و عديت اللي خلصوا بالدور لين طلع دوره السادس و انهمرت دموعه  حسسني انها قضيه حياة او موت  قال اوف الله يقلع الروضه و انا بكرا ماني جاني و قام يغلط قلتله بكرا لا تطلع للوجبه لين ما تحسن اسلوبك و تصير اخلاق و عارفني اسويها  قام رجع قال انا آسف تبين شيء  اخلاق سعوديه........ قلتله بوسني 
اليوم كانت مشاعرهم و مشاعري جياشه مدري كاني حاسه انو بنفصل
قالت لي وحده من المدرسات معي اساليهم ليش فصلوك و كذا قلتلها ما ابغي اسال لاني عارفه ما قصرت و كله بسبب الخلافات بيني و بين المساعده و ما يهمني اعرف السبب اذا كان بسببها او لا دام اني راضيه عن نفسي و ادائي
لو مكاني بتسالون ليش الفصل ؟
تخيلوا وصلنا لمرحله ما نسلم على بعض و لكن عن الروضه مرررره حبيتها و حبيت اطفالها و اللي حاز بخاطري اكثر اني بجد من بدايه الاسبوع حبيت انجز ....لعله خير
عمركم انفصلتوا من وظيفه ؟
صراحه تجربه اول مره اعيشها اشوى انه مو رجال هع ....كل وظائفي السابقه كانت بادرة الانفصال مني انا و مو تسيب........... فقط لاني لقيت فرصة افضل
فاصل
في وحده من البنات نسيت شنطتها بفصلي و جات بتاخذها المهم طلت براسها و كان عندي الاولاد و رجعت قلتلها نورة ادخلي خذي شنطتك عيت قام واحد من الاولاد قال ابله انا باودي لها الشنطه لان هي تحبني مدري مين اللي يحب 
.......
في النهايه الله يقلع الروضه على قولت يوسف
و اتمنى بجد تجاوبوا على استفساراتي .
اخر تعديل كان بواسطة » parrot في يوم » 31/01/2012 عند الساعة » 08:08 PM | 