بأختصار شديد .. سبب خسارة المستوى من ( برشلونه ) تأثره بنتيجة الذهاب .. وسبب تقديم المستوى الرائع من الريال هو ماعنده شيء يخسره يلعب الكل في الكل .. ولا اتحداه السبيشل فايف يلعب ضدنا في الابطال كذا خخخخ .. اتحداهـ وثاني شيء لاتنسون انيستا يعني لاعب مهم ويطلع الدقيقه ( 25 ) .. وبعد لاس المفروض طرد في الشوط الاول وصدقني لو لاس مطرود كان تتغير المباراة بالكامل خصوصاً والريال راح يعاني طوال المباراة من اللعب بـ محور واحد وهو الونسو الي امس اقل مايقال عنه نرفزي وتائه في الملعب ماينقل الكوره صح همه كله يكسر اللاعبين ويعرقل الهجمات .. بالمقابل ( بوسكيتس ) امس اثبت لي انه افضل محور في العالم .. برشلونه امس تائه في خط الوسط تشافي مادري وش فيه , بوسكيتس امس هو الي حافظ على رتمنا في بعض اللقطات وغير هذا كله يعرف كيف يربط بين الهجوم والدفاع يعني يعرف متى يتقدم ويساند الهجوم ومتى يرجع ويساند الدفاع وغير هذا كله هو اكثر لاعب في مباراة الامس قطع كور بصراحه بوسكيتس بالاظافة لـ الفيس وكذلك بنزيما و اوزيل هم رجال اللقاء .. وش فيه بعد ؟؟ ايه متى بيعقل الثور الهائج ؟؟ امس تسبب بأصابتين علينا اصابة لسانشيز بالترقوه واصابة لـ فابري برضوض في خشمه ؟؟ ياخي قسم بالله مدافع عار عليكم يالمدريديه .. مدافع خبل يلعب بدون عقله اهم شيء يقهر ويكسر وبزعمه لعب رجولي .. واللعب الرجولي يمين وهو يسار .. على العموم نقاط كثيره ودي اتكلم عنها .. واهمها دور ميسي في المبباريات الاخيره ضد الريال لعب كـ صانع لعب ومساندته للهجوم اكثر من تسجيله للأهداف .. مع اني تمنيت يسجل لكن مـ الله كتب .. مستوانا امس فاشل والسبب يعود مثل ماقلت فوق الريال ماعنده شيء يخسره بعكس برشلونه الي ماقدر ( بيب ) يخرج من رؤوسهم نتيجه الذهاب .. اكثر ماشدني امس هو كاكا في أول ربع ساعه بصراحه شفت كاكا الميلان لاعب يقطع كور يمرر يتنقل للملعب كامل .. نجي للأهداف هدف بيدرو ميسي لاعب حقير لاعب طعس خخخ صفط ( 5 ) مدافعين بـ لقطه واعطى بيدرو انت وضميرك .. هدف الفيس مجنووووووووووووووون يعني بالله ابي اعرف كم سرعة التسديده .. ..

نجي للقطات التحكيميه المثيره :
1_ طرد صحيح لـ لاس ماشوفكم تكلمتوا عنه , وممكن لو ماعرقل ( ميسي ) كان مسجلين الهدف الثالث وملخصين على المباراة بالشوط الاول ..
2_ لقطه راموس وطرده صحيح ميه في الميه .. اشوفكم يالمدريديه تناقضون انفسكم سبحان الله نفس الكرت الي تحصل عليه ( بيكيه ) في الكلاسيكو الذهاب وكنتم تطالبون بالكرت الاحمر على طول وراموس امس تحصل على الكرت الاصفر الثاني يعني طرد صحيح ميه في الميه ..
3_ بلنتي صحيح لـ سانشيز في الشوط الاول واضح عرقلته لسانشيز من عند ظهره ..
4_ بلنتي الريال الي يقولون على بوسكيتس حبيت اقولكم مش مقصوده يعني ( بوسكيتس ) يحسبها بتجي في بطنه يعني حتى بوسكيتس مسكر عيونه وماشاف هي بطنه ولالا ..
5_ هدف راموس غير صحيح واضح مايبيلها كلام طيح الفيس وارتقاء ..
6_ البلنتي الوحيد الممكن للريال هو لقطه راموس مع ابيدال ممكن نقول عنها بلنتي .. لكن غيرها مافيها شيء ابداً ..
7_ بلنتي لسانشيز في الشوط الثاني .. وسبحان الله نفس لقطة الشوط الاول ..
8_ طرد لـ"بيبي" وضربه لـ ( فابريغاس ) ..
9_ طرد لـ كاسياس وكلامه في الاسياب عند نهاية الشوط الاول تكلم على الحكم وقال ( اذهب مع "برشلونه" واحتفل معهم ) المفروض يعاقب من الاتحاد الاسباني موب حتى يكفيه الطرد ..
10_ تسلل احتسب على ( سانشيز في الشوط الاول ) وبالاصل موب تسلل واضح وكان الي كاسر التسلل ( فابيو كوينتراو ) .. ..

ممكن هذي اللقطات الي شفتها .. غيرها ماذكر شيء على العموم بيبي كان يستحق الطرد في المباراة الاولى والمباراة الثانيه , المباراة الاولى كان فيها غش تحكيمي واضح ولا تكلمنا فيها يعني عذركم واضح كل بعد خساره من ( برشلونه ) ..