يا أخوان الهيئة غير معصومين عن الخطأ .. مثلهم مثل باقي الاجهزة الحكومية الاخرى .. لكن مثل ما لهم سلبيات لهم ايجابيات ويبيلي مواضيع وكل موضوع 100 صفحة عشان اعد ايجابيات الهيئة ..

وبيض الله وجيهم اللي كشفوا اوكار الدعارة وحلوا قضايا الابتزاز وانقذوا فتيات من براثن شباب ما يخاف الله وغيرها كثير .. ومع ذلك تلاقي ناس يسبونهم واذا صار له قضية ابتزاز او شاف منظر غير اخلاقي اول من يروح له "الهيـــئة" ..

صحيح فيه عينات سيئة في الهيئة .. وهالعينات كرهوا الناس في الهيئة بأسلوبهم القاسي والعنيف ..

لكن اتمنى من الاخوان في جهاز الهيئة تدارك هالموضوع .. وعقد دورات للمبتدئين في مجال الهيئة وتعريفهم على طريقة المناصحة السليمة ..

لكن غير هالكلام ما أقول إلا "بيض الله وجيهم"