نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - قبل الذهــــــاب للملــعـب .. أحدثـــكــــــم

الهلالي- ابوسارة · #1 26/04/2005, 05:15 PM

[align=center] الهلالي ابو سارة يعود لكم من جديد ..

الله لا يمسيكم بغير الخير .. والفوز .. قولوا آمين ..

آآآآآآآآآآآآآآآآآآآآآآآآآآآآآآآآآميييييييييييييييين ..

يالربع قبل اروح مع الربع للملعب ..

حبيت أدردش معكم شوي ..

أذا ما عندكم مانع ..

وأكيد ما عندكم مانع

...................................

أمس الساعه ثلاث الفجر ..

كنت متواجد في الاستراحه ..

والنت فقط بالاستراحه .. لأن ماعندي بالبيت ..

ولهذا مشاركاتي تكون مو ذاك التواصل ..

المهم..

كتبت مشاركه وانا ((نعساان))

وبعد ما خلصت المشاركه اللي ماأذكر وش هي ..

حضنت الكيبوورد ورحت نايم <<<<<< فاقد حنان

رأيت في ما يرى النائم ..

أني كنت بالملعب ..

نصف الملعب ملياان ..

وكانت المباراة تجري بحمااس ..

وصخب جماهيري ..

وكانت النتيجة ثلاثيه زرقاء ..

أحدها لسامي ..

والهدفين الباقيين ماعلموني منهم

قمت من النوم مفزوزاً .. ((مصدر فز

))

ومن وقتها وانا متفائل بتاريخيه .. بحول الله ..

على فكرة أخوكم ابو سارة ما حلم الا مرتين ..

أمس وحده ..

ومرة قبل ثلاث سنين ..

المهم

ان شاء الله فايزين ..

............................

يالربع ..

أنا بأطلع للملعب .. ومعي امة الصمد ..

خذوني قدوة فقط هالمرة ..

يعني جمس 2002 فيه أعضاء الاستراحه السبعه ..

مع العلم ان اثنين منهم نثرااويين ..

بس أوامري ما تخالف

بالاضافه للكزس فيها 5 اشخاص من الحارة ..

مع علم متر ونص ..

مكتوب فيه ..

يا هلال انا وياك في كل حزة .. احد الابيات اللي كتبتها هنا بالشبكة ..

هذي اعتقد أرقام قياسيه ..

أتمنى تحطمووونها وربي ..

المطلووب..

والزبده ..

لا تروح الملعب لحالك ..

أخوك الصغير جنبك لا شغل ولا مشغله .. خذه معك .. ((تمشيه يستاهل

))

اختك ((مسيرة)) عليكم، وعيالها يطامرون قدامك بالحوش وغاثين أمك ..

خذهم معك .. الزم ماعلى الواحد راحة أميمته

خويك يسحب رجلينه بالشوارع .. (أمعطه) من أذنه .. وخله يخاويك ..

أوووووووكي ؟؟

هذا شيء ..

(الثنق) الثاني .. أو الشيء الثاني

:

اصحاب المزاج العالي .. أخواننا أهل (تكيات) ابو هيثم وما شابه ..

ترى اليوم بالذات مو يوم المقاهي ..

مو لايق عليك ..

يالحبيب .. قرر من الآن ..

ورح مع ربعك الملعب .. وحط تعميرتك بالشنطه .. ثم أنسدح بالدائري ..

ترى الفراوله بعد الفوز .. (يصك) في الراس

..................

همسه حزينه :

مدري ليش المنتشري كاسر خاطري اليوم :sad: :sad:

همسة أخيره :

اللي ناوي يجي .. ويسب باكيتا.. ويصيح على كماتشو .. و(يسفل) بالغامدي ..

تكفووون يرقد قدام الاوربيت الاعلاميه .. او يجلس بالمقهى وحسابه علي ..

أوكي؟

سلام

[/align]