الوظائف موجودة فعلاً
لكن الشركات للأسف ماعندها رغبة في توظيف السعودي وعندها نظره ان السعودي
مايتحمل ساعات العمل الطويلة او ان يكون منضبط في الحضور والانصراف
والشباب السعودي اثبت عكس الفكرة المذكورة لكن الثقة مازالت معدومه من الشركات
انا كمثال خريج تقنية تخصص محاسبة عانيت كثير حى لقيت الوظيفة المناسبة
اول راتب استلمته كان 2200ريال بتوجيه من مكتب العمل لاصحاب المؤسسة
وكانو الموظفين مايعطوني اعمال تناسب تخصصي
وحاولت كثير اني استفيد منهم لكن الوضع عندهم مايساعد حتى تركت العمل لديهم
وبعدها توجهت لمكتب العمل لكن هذه المرة الوضع كان افضل حيث ان مكتب العمل
وجهني لمؤسسة افضل من السابقة واستفدت منهم بعض الاشياء لكن اللي يقهر بهذه المؤسسة
التخصصات الادارية بشكل عام كلها للأجانب لدرجة انه بعد توظفي عندهم بشهر
وظفوا مصري بعد تخرجه بكذا شهر ولا عنده اي خبره في مجاله وللأسف ان اغلب
الشركات عندهم عنصرية ضد السعودي بشكل كبير بحيث انهم مايعلمونه اصول العمل
بعد كل الكلام نصيحة لكل خريج يتوظف بشركة انه يحاول يجبرهم على تعليمه اصول العمل
والنصيحه الثانية ان يبقى بأول وظيفة لفترة ماتقل عن سنة
ولا يقدم اي شهادة خبرة فيها فترة عمل تقل عن سنة
لان اصحاب العمل راح ياخذون فكرة خاطئة عن صاحبها انه كثير التنقل
وكلمة اخيرة ان مجال العمل اسهل من الدراسة بكثير وان الموظفين الاجانب راح يوهمونك
بصعوبة العمل عشان كذا لا تصير عندكم رهبة والامور كلها بسيطة لكنها تجي بالتدريج