03/01/2012, 11:18 PM
|
 | مايسترو المجلس العام | | تاريخ التسجيل: 18/02/2005 المكان: كاشت مع ويلهامسون بين المروج :$
مشاركات: 7,060
| |
عدنا ..  قبل أمس كنت أتفرج مع أخوياي على فيلم أجنبي (ذا كويست) في إم بي سي 2 .. كان بطل الفيلم مشترك في مسابقة مصارعة .. تورط مع مصارعين أشداء أقوياء وهو ما عنده خبرة .. الزبدة في لقطة من الفيلم وبينما صاحبنا ( يتفقع وجهه )  وله نية ينسحب , كان أصحابه يشجعونه يقولون هيا هيا لا تنسحب ! قلت لأخوياي : ما يرفع ضغطي إلا هالعينة خويهم يتفقع وجهه وهم قاعدين يتفرجون ويبونه يواصل ! الشاهد من هذا الكلام .. أغلب الردود متابعين بصمت ويقولون واصل واصل  أنا متورط وقاعد ألتّ وأعجن وأخبز في هالذاكرة وحضرتكم متابعين بصمت يالله ما علينا .. قدني من يومي وأنا غاسل يدي منكم نجي للردود abo_nasser : أنت بالذات المفروض ما تكون موجود ! سالفة القدور للحين ما يعرف حقيقتها الكاملة إلا القلة لذلك اللي ماضيه أسود مثلك يتابع بتلايط مش بصمت بس رائدة الزعيم : حياك الله وفي انتظار عودتك , وبالحب والإشراق طبعاً  FAISAL AL7RBY: بيني وبينك العام القادم إن الله أحيانا , وبتشوف إن تيار الإسلاميين في انحسار دام أمريكا صديقتنا ما راح نكون شوية حروف الغلا : وليد القحطاني ماهو بحولنا الحين , من بعد كويست نت رصيده صار بالملايين بس مدري هو اشترى السيارة اللي هو وعدنا فيها وإلا للحين يتنقل من كدّاد لكدّاد قرقاص : صدقت يا غالي أحس إنك أصبت عين أم الحقيقة وأختها .. وسائل الترفيه كثرت وانشغلت الناس عن المنتديات ! هلالي من ارض اليمن : شكراً لكل إضافاتك الجميلة وبارك الله في بطن جابك .. بالنسبة للموضوع والهدف منه فهو واضح وهو إحياء لذكرى الأصحاب والأحباب muneera : محد يعرفك؟ إن ما خانتني الذاكرة فأنتي شاركتي معنا في مسابقة صور الأعضاء أو الأطفال .. شكراً لحضورك .. الهلالي دائماً : الرسالة هذي أظنها كانت من سوسو الله يذكرها بالخير , كانت تستهبل وأنا ما قدرت أستوعب ! والمشكلة إنك مانفيت الإشاعة مسوي فيها ثقل يا هوساوي الغفلة marsal : حلو إنك ماخذ الموضوع ببساطة , وأخيراً اتفق مرسال مع أحد الأعضاء A L 7 Z N : من أجمل الأيام اجتماعاتنا بالإستراحات ومنها الاستراحة بأيام بطولة الزعيم ! حسبنا الله على صالح القرني من بعد أهازيجه والأعضاء جاهم الرعب من الاستراحات ومعاد اجتمعنا خـيـالـيـه : كل عام وأنتي بخير وعقبال ميتين سنة وتسولفين لأحفاد أحفادك بقصص الأولين اللي هم حضرتنا وبعدها تفطسين غير مأسوف عليك LBa your heart: هلا بصديقي الأولي ( كلي هلالي ) .. مبروك الوظيفة وعقبال الزواج .. بالنسبة للمسابقة أنا تكلمت عن المسابقة الأولى , أما الثانية فكنت أنا وأنت ووصلنا للنهائي وخسرنا بخطأ في حساب النقاط , والثالثة كنت أنا وليوميسي وكنت أنت المعاون وأخذنا البطولة .. وما عطيناك ولا هللة متآبعه بصمت : يضع سرّه في أضعب خلقه كان غيرك أشطر وحذروا مني , بس بالمكر والدهاء والخبث كسبت ثقة الأعضاء وسمو الأمير تركي بن سلطان نائب وزير الإعلام والمشرف على القناة الرياضية وأشكره على جهوده في خدمة الشباب وجهوده في نقل رسالة أبوريمان عن طريق الأخت متآبعه بصمت! abu_riman: لا تاكل بعقلي حلاوة تكفى .. ترى أنا ضعيف وحساس وأخق مع أبسط كلمة  .. أشكرك على كلامك عني ويعلم الله إني كنت أتمنى إنك تزيد في مدحي وذكر صفاتي الجميلة لأن المدح يشرح الصدر .. المهم شيء كويس إننا حصلنا صفحتك بالتويتر عشان نتشرف بالتواصل معك أبومها التميمي : يا رجل لا تفضحنا هالموضوع اللي تتكلم عنه كان موضوع في وقت تحشيش ومزاج عالي .. ما قصروا الأعضاء شرشحوني وقلبوا علي قلبة عدنان جستنية على محمد نور ! ســـــ SMN2002 ـليمان : يا غالي والله إني نسيت ترقيمك لي , بالعادة أسجل الرقم في جوالي بدون اسم أو أسجله في قائمة الاتصال .. فالظاهر إني غلطت هالغلطة ! اعذرني وأتمنى ترسل اسمك ورقمك ولا تنسى عمرك والصورة الشخصية عشان أتطمن بس أبو راس : على طاري النقيدان يقولون جريدة الشرق له؟ وأنا أقول وش في قلبي انشرح للجريدة من أول نظرة؟  وعلى طاري التغيير .. مدري وش جاني صرت أعشق التغيير.. قبل سنتين كنت برشلوني إلى منتصف العام الماضي حوّلت إلى فالنسيا الزفت , ومع بداية هالعام شجعت ريال مدريد !! التغيير سنة كونية يا أبا رأس  MePerfu : ارحمنا يا حكيم زمانك بصراحة نقاط لا تنقط إلا من فم حكيم شكراً لحضورك الطاغي يا طاغية أنت مستريح البال : يا شيخ لا يغرك كلامي ترى أكثرهم جحلط العمالقة لو تعدهم ما يتعدون أصابع اليدين .. أما من هم على شاكلتي فكلمة جحلط كبيرة بعد عليهم الزعيييييييييييييييم : أنت أذكرك باسمك يوم قلت إن اسمك مقرن , فقلت لك ما تخاف ربك أنت وهالاسم؟ ومن بعدها صرت أتشاءم منك بالنسبة لأبوقحط الله يطوّل عمره أنا كنت معصّب في بداية الأمر لأن مستواه كان منخفض أصلاً , أما الخبر فهي حرية شخصية ومالي علاقة فيه إلا في لعبه .. عشان كذا بعدين صرت من المدافعين عنه لما تدخل الآخرين في أشياء ما تخصهم ! 9متيمة الزعيم9 : الله يحييك والموضوع موضوعك , وإن شاء الله نشوف أكثر من عضو وعضوة قديمة في هالموضوع على الأقل .. وإن ما حضروا فتكفي ذكراهم ! مطيع : أنت و ( SoMe OnE ) و إليزابيث هيرلي ممن تعجبني خواطرهم لكن كنت أخفي ذلك في قلبي خوفاً من أن يقال لي : أ صبأت عن تيارنا؟ لكني بعدين خربتها وصرت أردّ لأني كنت أستمتع بكتاباتكم .. وانضميت للتيار الإسلامي التنويري إلا تعال .. وضح كيف أزحت الغبار عن نظاراتك؟ ومن متى تلبس أنت نظارات من وراي؟ اميرة الدواسر: من هالدلخ اللي حاطني قدوته؟ إذا أنا أدعي بصلاتي إن خالد ما يطلع علي إلا بكم صفة زينة فيني ما تتعدى الخمس , فكيف هذا العضو يحطني قدوة؟ إلا إذا كان يستهبل وماخذ الدعوى طقطقة على حسابي !  ما علينا هو أبخص بعمره .. أشكرك على حضورك وردك الجميل يالدوسرية .. محلل صاحب فكر : هلا بك أخوي عادل البطي أتوقع في ظني وتقديري إن الأعضاء المميزين ممكن يتواجدوا في الفترة الحالية أكثر من الفترة الماضية .. خلني أشبه لك المجلس العام بـ المنتخب السعودية في 94 كمجموعة أفضل من منتخب 2011 مع إن لاعبي 2011 كأفراد مهارياً واحترافياً أفضل بكثير من لاعبي 94 , لكن العلة وين؟ هذا السؤال اللي لم يستطع الإجابة عليه العلماء حتى الآن .. حبيت بس أوضح هالنقطة فقط بدون ما نتشعب أو نخوض في المقارنات .. rashid-7 : الصخرة كان له تأثير في المجلس بشعبيته الطاغية سحب كثير من الأعضاء من منتدى الجمهور إلى المجلس العام , لكن لأن لكل بداية نهاية انتهى الأسطورة الصخرة واختفى اختفاء غريب  هلاليه من الرياض : قولي لأختك مدري بنت عمك تخلي عنها اللقافة ولعاد أشوفها بالموضوع يلعن حريشها ما لقت عندها أي ذكرى إلا ذيك؟ المهم خليها ترسلها لي بالخاص لأني ماشفتها والله ..! إيه صح شكراً على حضورك بعد طول غياب صـمـت : طيب تبي نسوي صفحة تحس كأنك داخل دار حضانة؟ سعودي أصيل : دوم يالغالي هالوناسة والله يوسع صدرك بالعافية ويبعد عنك الضيقة ! dal3_uae : أنتي بالذات ما أذكر أحد ما تهاوشتي معه كنت أقول لأبوطلال إذا تقابلنا ياخي حرام عليك ترى دلع الإمارات مسيكينة لعاد ترد عليها وكان يقول أنت المسكين وفعلاً بعدين طلعتي شيطونة بس الله يقول الحق قلبك أبيض تنسين على طول وما تحقدين على أحد .. وهذا اللي يميزك دليل شيطنتك ولعانتك يوم تقولين الحين : اذكر قصة الـ ...... ! وشو ذا يا دافع البلا لا تخليني أوسوس وش السالفة؟ إذا السالفة عادية اذكريها أنتي , أما إذا ما تنقال ذكريني بالخاص ويمكن أقولها أنا بعد المونتاج هلالي معالي : اذكر الله قبح الله رأساً أنت حامله أنت يا أبومعالي من الأعضاء اللي أعجبت بهم إلى درجة الخققان وبما إن لك صداقات واسعة مع الأعضاء أتحفنا بذكرياتك .. I B R A H E M : أنت شخص غريب يا إبراهيم .. كنت من الأعضاء النشيطين ومخك نظيف , لكن فجأة طفيت .. إلى الآن مدري وش السبب ! إذا عندك ذكريات مع ذايب بحب التايب وغيره من الأعضاء فـ خذ راحتك الهنوووف : كنت أتوقع تبدئين ذكرياتك مع سحر الشرق .. بس دامك تكلمتي عن ماجد وأبوريمان فمسموحة  .. وعلى فكرة لقب ( أخت الجميع ) هو لقبك أنتي !   |
