أنا ملاحظة إن أغلبكم حتى مو أغلبكم كلكم تقولوا إن السبب لكل الي يصير للبنات والأولاد تهاون البنات بالحجاب
ولكن هل التهاون في الحجاب يخلي الأولاد ينسوا الصلاة وينسوا ربهم مو معقولة هالكلام...
وباعتقادي إن الصلاة أهم شي بالدنيا إذا البنت بتصلي وتتهاون بالحجاب تكون أخير مليون مره من ولد يدور بالشوارع والأسواق ولاصلاة ولاعباده على الأقل البنت يمكن ربي يغفر لها لكن هالي ما يركع كيف ربي يغفر له صحيح أن الله غفور رحيم لكن هالكلام ما يخلينا نترك الصلاة وننساها
....
وبعدين اي ولد تشوفه يغازل ويدور بالشوارع والأسواق لما تسأله ليه كذا يقول لك رد معروف عند كل الشباب البنات هم الي أجبرونا هم الي يظهرون مفاتنهم قدمنا (قد أيش هالكلام ينر فزني)يعني الولد ماله عقل يفكر فيه ما عنده دين يخليه يغض بصره ما عنده مبادا وقيم أصول تمنعه من النظر لها لبنت الي قبالة يعني الكلام يكون بالعقل
وهو صحيح فيه بنات ودك تكمخينهم لكن مهما كان مو هم سبب الي يصير للاولاد...
وبعدين احب أنبهكم على نقطه وهي :
إن البنت لما تكون لابسه عبابه مخصره أو اي عبابه مبهرجة المهم وين أهلها وين أبوها إذا أبوها مو موجود يعني متوفى (وهذي مصيبه لحالها)وين إخوانها نادرا الحين تلقى أخو يقول لأخته تغطي البسي عبأيه سنعه كل همه إذا رجع للبيت يمسك التلفون وبعدين ينام ويصحا ويطلع يصيع بها لدنيا أما أخته وأمه ما يهمه وش يصير لهم....
وهذا اكبر دليل على انعدام الغيره عند رجالنا طبعا مو كلهم فيه رجال فعلا يستحقون كلمة رجال ياليت كل السعودين زيهم....
ومشكورين اخواني على طرح ارائكم....
