31/12/2011, 02:34 AM
|
 | مايسترو المجلس العام | | تاريخ التسجيل: 18/02/2005 المكان: كاشت مع ويلهامسون بين المروج :$
مشاركات: 7,060
| |
عدنا سابقاً كانت هناك حرب بين الطائفتين .. طائفة الانحلال تتجمع في المواضيع الشعرية أو مواضيع الخواطر , وطائفة الإسلاميين تتجمع كعادة الحركات الإسلامية في الخفاء  يعني في الرسايل الخاصة .. في أي موضوع فيه أكشن وخلاف قوي لا بد يكون فيه إنذارات أوإيقافات من المشرف (سهل) إذا كان متواجد وهو معروف عنه الشدة إلى حد الديكتاتورية , أما المشرف الثاني ( البارق ) فكان متساهل ويحاول يسدد ويقارب .. أغلب الإيقافات تكون بسبب هالحرب .. ما عدا شخص واحد حطم الأرقام القياسية في الإيقافات والمصيبة إن ما له شغل بهالحرب لا من قريب ولا بعيد .. وهو ( وليد القحطاني ) أخذ شهرة من كثرة إيقافاته اللي ما لأمها سنع  طبعاً هناك ضحايا سقطت في الحرب بين الطرفين ما لحقت عليهم مثل ( قلب الشلهوب ) وغيره , لكن أول ضحية سقطت في الحرب على ما أتذكر ( الهلالي الثقفي )  وكاد أن يسقط ضحية من طرف الإسلاميين وهو ( أبوراس ) لكن تم الاكتفاء بإنذار .. المهم كنت حاقد على الهلالي الثقفي وأنا مدري وش السالفة بس لأنه من حزب الانحلاليين كنت أحقد عليه .. إلى أن جاء يوم من الأيام وأضافني الهلالي الثقفي بالمسن .. سوّى معي مقابلة شخصية وسألني عن اسمي وعمري و و و .. طبعاً من دون ما تسألون رحت أكبّر عمري بأربع أو خمس سنوات الزبدة بدأت أفهم منه قصة إيقافه وسقوطه شهيداً في المعركة .. وحسيت إن المسألة أبسط مما تصورتها .. مجرد خلافات شخصية بسبب اختلاف وجهات النظر , وكلمة تسحب كلمة وهووبا إنذار فإيقاف ! استمرت علاقتي مع الهلالي الثقفي حتى انتهت فترة إيقافه وحسن إسلامه رجع للمنتدى وبدأت أتخلى عن مبادئي شوي .. صرت أرد بمواضيع الخواطر وأنسخ الردود من منتديات خواطرجية وألصقها في مواضيع الخواطر بالمنتدى حافظت على علاقتي بالإسلاميين مع علاقة خفية بالانحلاليين , يعني تقدرون تقولون عني ( عميل مزدوج ) ولا راح أزعل طبعاً استمرت المشاكل بين الحزبين حتى جاء يوم تهور فيه الهلالي الثقفي وهاجم فيه المشرفين وبالتالي تم إيقافه طيب الله ثراه .. نرجع الحين لقائد الجناح العسكري لحزب الإسلاميين وهو ( أبوراس ) أبوراس هذا شخصية غامضة حيرت العلماء والأعضاء , شخص مثقف متعلم متدين وفاهم .. لا تراه كثيراً ولكن حين يتواجد فاعلم أن هناك أكشن وإثارة البعض قال أنه عضو سابق يتخفى بعضوية أبوراس , ولكن محد عنده العلم الأكيد ! أضفته بالماسنجر حتى أعرف وش هو من لحية ؟ وبحكم إني كنت محسوب على الإسلاميين ما كان صعب إني آخذ وأعطي معه .. فاكتشفت إنه فعلاً شخصية محيرة , لكن لاحظت إنه يحاول يموّه علي ويضيّعني لما أستخدم ذكائي في لقط صفات شخصيته ! كان في بداياته حاد الأسلوب يعطيها كاش , لكنه بعدين أصبح يستخدم أسلوب أخف حدة خصوصاً بعد تقهقر حزب الانحلال بعد اختفاء العدو كان من الطبيعي اختفاء أبوراس .. لذلك عسى الله يكثر من الانحلاليين بالمنتدى عسى يرجع لنا أبوراس نجي الآن لشخصية ماجد مقبل .. كان أبومقبل أديب المجلس العام في ذيك الفترة .. يرد على هذا وعلى هذاك , ما كان يفرق بين إسلامي ولا انحلالي ولا يهودي كان مبدؤه دع لله ما لله ولقيصر ما لقيصر ! كان شخصية محبوبة فرضت نفسها , وإن كنت في ذيك الفترة ما هضمته أول ما شفت يوزره بس بعدين بدأت أرتاح له بعد ردوده علي بمواضيعي وتشجيعه .. حتى جاء ذاك اليوم اللي كان من أجمل أيام عمري عندما رقمني ماجد  للأمانة ما أذكر بالضبط هو رقمني أو إنه اتصل بي فجأة بعد ما أخذ رقمي من واحد من العيال .. الزبدة .. لما صار الاتصال أتذكر قلبي يدق يدق وعيني ترف ترف .. وروحي ترق ترق والله أتذكر كنت أكلمه وأنا أدور حول نفسي وقلبي يدق بقوة من الحياء وأطالع فوق وأنا أكلمه ثم أطالع تحت وأدور .. كان يكلمني بجرأة وكأنه متعود على هالمكالمات أما أنا الله أعلم بحالي انتهت المكالمة ثم تلتها مكالمات ومكالمات وأصبح من أعزّ أصدقائي بيني وبينه عيش وملح و ( موكا ) رغم إني مقصر معه حالياً كثير .. لكن بيعذرني أكيد خلاص تزوجت ولازم أنسى علاقاتي السابقة يكفي لحد كذا .. نواصل لاحقاً إن شاء الله ويا ليت اللي عنده شي يذكرني فيه هنا أو بالخاص ..وبرضه لا تنسون مواقفكم وبداياتكم بالمجلس وكيفية معرفتكم فيه .. إذا ودكم طبعاً  |
