إقتباس يالغالي طيب خلنا نذكر الـ"9" لقاءات .. 4 فوز محد يختلف فيها فوز مستحق للبرشا

هههههههه من قآل لك إنها كلها مافيها خلاف ..

قلت لك ذهاب دوري الأبطال أجمع كل من سيطر على عقله قبل قلبه أن طرد بيبي كان خاطئاً ..

إقتباس تقول مباراة الابطال مانستحق الفوز طيب بسألك مباراة الكأس + مباراة الدوري يعني مافيها غش ؟؟!! بسألك هدف بيدرو وش رايك ؟؟ وهدف رونالدو في الكلاسيكو البلنتي وشو ؟؟ مارسيلو يتعرقل من نفسه ؟؟ ..

هدف بيدرو بافترض جدلاً إنه هدف صحيح ..

هل كآن يغير سير المباراة ؟! بتقول : نعم بيفوز البرشا بالبطولة ..

لآ أنا أقصد هل البرشا سيلعب بعشرة لآعبين ويخرب تكتيك المدرب !!!

وبالنسبة للأهداف فيجب أن نعترف أنه طبيعي أن يكون هناك أهداف لا تحسب وهي صحيحة ..

ففي إياب دوري الأبطال هدف لهيجوآين الحكم ألغاه مدري لأي حجة بس إنه ألغاه ..

وقآل المحلل جمال الشريف إن تصرف الحكم خاطئ وإنه كان هدف صحيح ..

وكان ذآك الهدف رآح يغير سير المباراة بشكل غير طبيعي ..

لكن زي ما قلت الأهداف طبيعي تنلغي ولا هيب تضر الفريق زي الكروت الحمرآء ..

خصوصاً إذا كان لاعب له ثقله مثل بيبي أو فآن بيرسي مع الآرسنآل أو موتا لآعب إنتر اللي إنطرد أمام البرشا ..

فأخطاء البطاقات الحمرآء لا تقبل أبداً وتخرب المباراة ..!

بينما الأهداف فدائماً ما تحدث ولا تؤثر على طريقة لعب الفريق ..

إقتباس نجي لـ"3" تعادلات تعادلين واحد بالسوبر اللاعبين ماتجمعوا الى قبل الكلاسيكو بيومين , و "6" من اللاعبين الاساسسين مالعبوا المباراة , وكلاسيكو الاياب في الابطال قسم بالله ميسي رحمكم ولا والله الشوط الاول لحاله المفروض طالعين بـ"4" او "3" .. عاد خسارتنا من الريال تكتل دفااااعي والعب على المرتدات وجاء قول .. !!

لالا كذا أزعل عليك ، بالنسبة لكون الفريق توه متجمع فهذا مو عذر أبداً ..

فالريآل كان يعاني من نفس المشكلة وزد عليها إنه لعب بلاعبين جدد في المباراة " كآليخون - كوينتراو "

لذلك لآ أظن أن فيه عذر ..

بالنسبة لميسي رحمنا فهالكلام وأنا أخوك ما يوكل عييش !

والله العظيم إن البرشآ عآش مباراة من أسوء مبارياته مع الريآل في آخر ثلآث مواسم ..

ولولا الله ثم حظ وقف مع البرشا كان ما شموا كأس السوبر ..

وبالنسبة للتكتل الدفاعي فمعليش إذا قلت إنك ضعيف في قراءتك التكتيكية ..

تخيل فريق متعادل بأرضه 2-2 والإياب بأرض خصمه وخصمه ما يرحم هجومياً ..

تبيه يلعب بثلآثة هجوم مثلاً !!!!

طبيعي إنه بيحاول يدافع ، وماهو شيء عيب في الفريق بالعكس هذي تحسب لمورينيو ..

إقتباس محد ينكر قدرات مورينهو الكبيره في التدريب لكن صعب تطلق عليه ( افضل مدرب في العالم ) وهو لايستطيع ايجاد حل او ايجاد طريقة للفوز على برشلونه ,

لآلآلآ وقف ، يبدو إنك نسيت أيام الإنتر ؟!

مورينيو موب عاجز عن إيقاف البرشا كمدرب ..

لكن ما يحدث بين الريآل والبرشا أكثر من كونها كرة قدم فهي حرب أقاليم ..

وإلا مع الإنتر هزمكم في أرضه 3-1 وفي أرضكم انهزم 1-0 علماً بأن موتا لآعب الإنتر مطرود ظلماً من الدقيقة 28 وهدف البرشا عن طريق بيكيه الدقيقة 84 ..

وتقول لي : مورينيو عجز عن البرشآ !!!! لا تضحكني أرجوك ..

المشكلة ليست في مورينيو بل في بعض اللاعبين لأن المسألة بيست مباراة كرة قدم بل هي أكثر من ذلك بكثير ..

إقتباس حتى هو كان يقول قبل مباراتكم الاخيره , لو برشلونه مو موجود كان من زمان حققنا الدوري , وتصريحه بعد المباراة كان يقول لو كنت متواجد في دوري لايتواجد فيه ( برشلونه ) لابتعدت عن المركز الثاني بـ"7" او "8" او "9" او "10" ..

طيب كلآمه صحيح ، البرشا منافس قوي ولكن هذا لا يعني أنه الأقوى ..

كلآم مورينيو سليم 100% ، لو كنا في دوري آخر لتجاوزنا الثآني بـ 20 نقطة ..

لكن هذا ما منعنا من أن نكون الأول .. فحنا الآن الأول بفارق 3 نقاط عن البرشا ..

يعني أشرح لك كلام المو باختصار :

" لسوء حظ الريآل فهو في دوري فيه برشلونة ، عشان كذا ما تعداه إلا بثلاث نقاط ..

ولو كنا في دوري ثآني لتعدينا الوصيف بعشر نقاط "

كلآم سليم جداً .. يعني الرجال ما قال شيء خطأ ..

إقتباس وحتى مدربكم يعترف بأفضلية البرشا الى انتم يامشجعين العرب اسمحولي ماتعترفون بالافضليه ابداً ..!!

تصدق إني لفيت كلآم المو طول × عرض ، ومحاولات وأدور مترجمين محترفين ..

عشان أدور الكلام اللي اعترف فيه المو بأن البرشآ أفضل ..

لكن مع كل هذا الجهد ما لقيت اعترافه بأفضلية برشلونة .. فلو تتكرم علي باقتباس لـ " اعتراف " مورينيو بأفضلية برشلونة ..

الله يحفظك ويرعآآك ..

ولكم كل الود والاحترام ..