| أهلين حبايبي المجلساويه ، بخصوص هذا الموضوع حبيت أطرح موقفين من المواقف اللي تعرضت فيها من الظلم والمواقف كثيره جدآ ، حنا في جامعتنا ( الإمام محمد بن سعود ) ، طبعآ وكما هو معروف جامعتنا أفضل بكثير من جامعة الملك سعود من ناحية الرشاوي وغيرها ، بس مع ذلك يوجد ظلم كثير وكثير جدآ من الدكاتره على الطلاب في جامعتنا الموقره ..
الموقف الأول :
أتذكر في السنه اللي راحت كنت في كلية اللغه العربيه وبعد ما مرة أربع أسابيع أو ثلاث المهم جاء دكتور أحد المواد وقال أنا توي أجيب الكشف عشان كذذا بحاول أتذكر من كان يحظر في القاعه وأسجله حاضر في جميع المحاضرات الماضيه ، وقال ما أتذكر الا طالب واحد والبقيه ما أتذكرهم عشان كذا بغيب كل الطلاب غير هذا الطالب ، وشرح وطلع ، وبعدها حذفت الترم كله مو بس الماده ..
الموقف الثاني :
في بداية هذي السنه كنت محول من كليه إلى كليه وحضرت من الأسبوع الأول عشان أنزل جدولي بس ، وقعدت أطارد وراهم وكل واحد يقولي رح لم ذاك وهم ثلاثه واحد يقولي أنتظر بعد ساعتين والثاني يقول بعد الظهر واللي بعده يقول أنتهى دوامنا تعال بكره وعلى هالحال إلى الأسبوع الثاني في يوم الأحد بالتحديد ويالله نزل الجدول وحتى بغيت أسجد سجود شكر ، ورحت لقاعتي وكانت توها منتهيه المحاضره الأول ومن نفس اليوم وفي البريك رحت لثلاثه من الدكاتره اللي فاتتني محاضراتهم في الأسبوع الأول واللي فاتتني أمس وكلهم جزاهم الله خير تفهموا الوضع ومسحوا الغياب عني ، ومن بكره رحت لم بقية الدكاتره وفيه ثلاثه رفضوا بشده مسح غيابي مع أني فهمتهم بس رفضوا رفض نهائي ، بالله هذا ذنبي ولا ذنب اللي أطاردهم في الأيام الماضيه ولا من ذنبه ؟  | 