هههههههههههههههههههههههههههههههههههه
والله حالتك حاله
الله يعينك
انا قبل اسبوع او اسبوعين صارت لي سالفه مشابه لسالفتك
انا ساكن بري الرياض عزوبي المهم صحيت ورحت للدوام ورجعت المهم اشغل الشاشه ماتشتغل (شاشة التلفزيون)
يابوي يمين يسير فوق تحت طبخ الغذاء خلاص كلت وانا احول ماشتغلت المشكله اني مدمن بلاي ستيشن مستحيل اجلس يوم بدون مالعب واخذ الشاشه و اوديها للصيانه
قالي تعال بكره اقوله يابو الشباب وين بكره على بالي الامور ساهله
قال شاشته كبيره و ال سي دي يبيلها شوي شغل علشان اتاكد قالت يالله نتحمل اليوم
واروح له من بكره
قالي عنك المشكله كذا وكذا اشتري القطعه قالت اوكي على بالي ساعتيني والامور تمام
هالسالفه قبل صلات الظهر قالت له المغرب ابكون عندك وارحو له قال دورت القطعه مالقيتها ليه مادري قالت طيب وش الحل
قال مالك الي تجيب من الشركه وبريده مافيه لازم تجيبها من الرياض قالت تستهبل لو اروح للرياض ماصلحتها عندك قال اوكي
انا ابرسل للشركة بكره تعال لي (بغيت امسكه وافقع وجه من الحره) بس الحمدلله مسكت نفسي
واجيه من بكره قال ان شاشة شاريه من بري السعودية وان القطع الي في السعودية عير عن الي في شاشتك وان الشركه ماعندها
طيب وش اسوي اقولها له وانا فيني العبره
قال خلاص شكل وضعك صعب وابحاول ادبر لك هالقطعه.
قالت اكيد.
قال معليك بكره جب فلوسك معك.
اه واطلع ابي انام الليل ماقدرت واصل لاعلى حد في الادمان ابي بس العب قيم واحد بس.
المهم واروح له من بكره اول مدخلت وشافني عرفت من وجه انه خرطي لدرجه قالت له وين الشاشة بدون ماساله واخذها
وادور محل ثاني والحمدلله رحت لوحد من نظره عرف المشكله قالت لاتجلس تدور وتحوس شاشتك مستحيل تتصلح الي في الشركة لانها تركيه
عاد هالسالف وسط الاسبوع ومافيه امل اروح الرياض وارسلها للشركه ويجلسون 3 ايام بدون رد مع يوم التوصيل
في هالوقت انتهت حياتي ماعاد اقدر اتحمل لا والي زاد الطين باله ان لابتوبي خرب ويجلس يوم في الصيانه واتصلي على الوالد
بابوي حول لي فلوس ابي اشتري شاشه والسالفه كذا كذا قال ماطلبت شي الصبح ابحول لك يرحم امك روح الحين قال تبي الصبح او مع السلامه
واجلس 4 ايام علشان يرسل لي يومين الصرافه متعطله في مشكله في الشبكة السعودي ويومين بيحاول يرسل من النت ونفس الحاله متعطله واخيرا يرسل لي من البنك نفسه اووووووووووووووووووووووووووه
جاك الموت ياترك الصلات (اقصد البلاي ستيشن)
واشعل السياره وانا متجه لاكسترا الي احس ان رجليني حاااااااااااااااااره وش السالفه
واناظر الي كل الي تحتي مويه وانظر الي ماشر الحراره مرتفع مررررررررررررررررررره
يقلع ابو الحياة الي زي كذا استغفر الله.. يالليللللللللللللللللللل واصلحه واجلس من العصر الين الساعه عشر الليل
والحمدلله واروح واشتري الشاشه بعد كل الحروب النفسيه والطفش لدرجه والله ولا تشرهون علي اني اجلس
اسمع سوالف جيراني من الباب
ولا يوم جبت الشاشة ابوي دق علي قال ترى صلحو الشاشه واني توني مدخل للبيت لان كانت معطيهم رقمي ورقم ابوي

المهم اسف على الاطاله بس حبيت اقولك شوف مصايب غيرك تهون مصيبتك