السلام عليكم و رحمة الله و بركاته ...

هناك في خضم الحياة و الحركة اليومية أشياء أو أمور تعاد عليك و بصراحة ترفع الضغط و تقهر و تجيب للعقل السليم نوع من الألم ..
لو مرة أو مرتين او ثلاثة ممكن نقول أخطاء مطبعية و عدت لكن في كل عمرك تجد الامر يتكرر و الفعل نفسه من الشايب الكبير حتى الشاب البالغ و هنا نستثني الاطفال حتى لا تقام الحجة علينا ..
أمور ممكن تكون سخيفة و يرى البعض ان من الغباء قوله أو مناقشتة او طرحة بموضوع عام يرى لأانه ببساطة سخيفة جدا ..!!
لكن بعض من هذه الامور جعلت لدى البعض عقد شخصية و جعلت المجتمع متربي على مبداء معين من يكسب و من يخسر لان هذا هو الوضع القائم أما ان تكون مثلهم و تفوز او تكون واعي و عاقل و تخسر ..




1

في أزمة يوم 25 تجد تجمعات هائلة عند كل صراف و كأنه لا يستطيع أن يصبر يوم واحد أو ساعات محدةة أو ممكن يسدد فواتيره عن طريق الانترنت و ممكن يعرف حسابة بالانترنت و يريح العالم ....
لكن طيب مو مشكلة سرى طويل و الكل طفران وده يسحب ...
يدخل موظف يصرف كل الراتب مرة وحدة 5 او 6 الاف او حتى ممكن الفين هنا مو مشكلة حقه ما أحد يحاسبه ...
لكن الشي الذي يرفع الضغط يوقف قدام الصراف يعد الفلوس و الزحمة برى
يعني لو سحبت 5 الاف و الصراف أخطاء و أعطأك 4 الاف بتشتكية للشرطة ولا يعني بتخليه يكمل الباقي و لا بتصارخ عليه ولا وش هرجتك ..!!!
يجلس قدام الصراف يعد الفلوس و كأن الصراف بيخطئ و يسرقه وكان الماكينة عامل هندي و مشكوك بامره ..!! ولا أحتمال يلقى 100 مقطوعة و يردها


ولا الثاني يسحب الفلوس كلها و يطلب كشف بالحساب ..!!!
هو باقي حساب لأجل تأخذ عليه كشف ..ّ!!
ولا لأاجل توهم من خلفك أن هناك باقي..!!!
ولا الي يقهر يأخذه و يقراه بالصراف و بعدين يقطعه ..!!
يعني كأن هناك من ينتظرك بالخارج و يسوف ينقض عليك حتى يعرف حسابك ..!!
و الاكثر قهر منه من يطلب حساب و يروح ولا يشوفه ..!!!
كذا الراجحي وضع اعلانه بكل صراف لا تطبع الا عند الضرورة


ولا الي يقهر أكثر الصراف عن طريق السيارة تلقاه معاه زوجتة و لا صاحبة و ما يوقف صح لأاجل يتعذر و ينزل و يصرف
يأخي احسابك مليان و تخاف العين او احسابك فاضي و تخاف الفشيلة روح لصراف داخل البنك لأجل تتعذر بالنزلة ...
مو تأخر السراء رايح و جأي كلها لاجل ما أحد يعرف حسابك ...!!!





2

نروح للمطاعم الفاخرة مثل البيك يعني و هذا خاص باهل الحجاز اهل نجد و ملحقاتها يمكن يشوفون لهم مطعم ثاني و يتخيلوا المثال عليه ...
واضع فوووووق بأعلى الجدار قأئمة الاسعار و المأكولات دجج بيك اربع قطع بقيمة كذا مسحب بقيمة كذا مسحب حار بقيمة مسحب جمبري بقيمة كذا جمبري جامبوا بقيمة كذا وجبة بقيمة كذا ايسكريم بقيمة كذا حتى البيبسي و هو معروف مصوره لك و وواضع القيمة عليه ...
و كل شي مصور و الصورة لغة لكل البشر ...
هندي سوداني افغاني سعودي تركي كلهم يفهمون ...

تصك بالطابور و الطابور واصل لاخر الباب عند المحاسب ...
يجيئك واحد يوصل عند المحاسب يقول وش عندك طلبات
ولا يجيئك الثاني يقول اعطيني وجبة بيك و كم الحساب ..!!!
ولسى يطلع الفلوس من المحفظة و يطلع المحفظة من الجيب الضيق و لسى يسأل و يحاسب ...!!!
و لا يجئيك الاخر ولسى معه 100 ريال و يجئي عند المحاسب و يفصل طلباته بسعر 100 ريال ..!!
يقول هات دجاج و جمبري و ما ادري ايش ...
واذا طلع الحساب فوووق 100 يقول شيل هذه و بدل هذه ..!!!
لو أعمى مو مشكلة ممكن نسامحك لو كبير بالسن و ما يعرف يقراء و يحسب ممكن نحاسبك لكن البلااء طلاب و مدرسين و موظفين دولة ..!!!
قال يعني متعلمين قال ...!!!!
أبوك من علم وحساب اذا ما تفهم تحسب و ترتب امورك من بدري ..!!!
كذا البيك بالحج ما يبيع الا وجبة وحدة مسحب لأاجل ما أحد يسبب زحمة ببلاهته..!!!!




3
المرور و قضية التفحيط أزمة ما تنتهي المرور يهدد و المفحطين بكل شارع ..!!
تشتكي ما تشتكي ما عندك أحد ...
و السبب أن كل التفحيط تقوم على أساس سيارات مسروقة يعني صعبة معرفة المفحط ...
هذا أول و كنا نقول المشكلة صعبة و العذر ما عليه ممكن يقبل ...
لكن بزمن التقنية و الانترنت و خاصة اليوتوب لأ أداري أين رجال المرور ..!!!
الجنود مو مشكلة ممكن نتغاضى عنهم بسببين الاول أنهم الاغلب يعني يعني ما يفهم بالانترنت و الثاني انهم منهمكون بالعمل ..!!
لكن أين الضباط و العقداء و العمداء و من على شاكلتهم ..!!
أين المقبل صاحب فكرة ساهر الخطير ساهر على راحتك ..!!!

الان المفحط بنفسه يصور لهم فيلم كامل متكامل و ينزل صورته فديوا وصورة لأجل يشهر نفسه ..!!
تدخل اليوتوب و تلقى فيلم تفحيط بشارع عام و تشوف وجه المفحط و تشوف المعزز و تشوف المتجمهرين و تلقى لقبه و الادهى تحصل بالتعليقات أسمه و مدرستة و عمله ..!!!
يعني ممكن ضابط بالصدفة بس يدخل مقطع و يأخذ الاسم مع الصورة و يرسل أقرب جندي و يمسكون المفحط و تنتهي القضية ..!!

الي يقهر بقوة اذا قرارو يحلوا القضية و يمسكون المجرم تدخل 50 سيارة من كل مكان و تحاول حصارهم وكأننا بحرب ؟؟
و المفحط يلف يميمن و يلف يسار و لا أحد مسكه ولا شئ

الاسم عندك و الصورة عندك والحي عندك تتعب و تتداهم ليه .!!!
لكن الغير موجود عندك شي بالرأس يسمى عقل




4
تمشي بالخط بأمان الله ...
الخط مسارين لا ثالث لهم ..!!!
المسار الأول مزحوم شوي و أنت تمشي بالمسار الثاني ..!!
باقي عن الاشارة 20 او 25 متر ..
يجيئك واحد مطير من خلفك ..!!1
و يرفع النور بوجهك يعني وخر عني ..!!!

بس أبي أفهم وين أوخر ..!!!
أطلع الرصيف مثلا .!!
او أصدم السيارات بالمسار الثاني ..!!
وبالاخر هناك اشارة وراح توقف راح توقف ..!!!
يعني معميني بالنور ليه ..!!!!
و الادهى أن جأك واحد و فكر أنك ما تشوف النور و بداء يزعجك بصوت المنبه ..!!!!!
المشكلة ان ما وخرت عنه و حصل دخلة من المسار الاول وجاء جنبك بداء يناظر فيك و يشر بيدينه على أساس أنك حمار يعني و ما تعرف تسوق ..!!!
لكن هالفئة أن بغيت تربيه و قدرت توقف عند الاشارة حاول تتخطأه علشان يفهم أن بالعقل و ليس بالبلاهه ممكن تكون الاول




وبس هذا الي باقي بقلبي من الأمور التي تقهر من هذا الشعب العظيم ...
ان أستحدث امر أخر سكون هنا بجانبك و من عنده شي لا يحرمنا ...
في حفظ الله يا قوم .