السلام عليكم ورحمة الله وبركاته
معليش يالغالي انا اختلف معك كثير في الموضوع
احيانا النجم يرحل لاجل مصلحته ومصلحة فريقه اللي يحبه
والرحيل انواع فيها الرحيل اللي يدفن كل اللي سواه وفيه الرحيل اللي يكون افضل للطرفين
لاعبين كثار انتقلو من فرقهم ولكنهم اساطير
من اليوفي مثلا
كابريني لعب 13 سنة مع اليوفي وانتقل سنتين لبولونيا واعتزل
هل انكروه الجماهير؟ اسمه موجود من ضمن الخمسين نجمة اللي في محيط الاستاد
وفيه جنتيلي نفس الفكرة
خذ عندك ماردونا هل نسوه جمهور نابولي ؟
من الميلان , هل هم ناسين ريكارد وخوليت وشيفشنكو ؟
الشخص له حق الانتقال, لكن طريقة الانتقال هي اللي تأثر في السمعه
زامبروتا انتقل من اليوفي بعد 7 سنوات وقال كلام سيء جدا وهذا اللي خلى الجمهور ينسونه
فيجو جحدوه جمهور برشلونه لكن جمهور الملكي يعتبرونه اسطورة لهم
راؤول رحيله احسن قرار سواه له وللفريق, لان الاعلام مخليه عالة على الفريق فانتقل بذكرى ممتازه ولايزال اسطورة حية لريال مدريد والارقام تشهد
انتقال هنري من الارسنال مؤثر والرجل اعتذر لجمهوره بمقابلة وقال مضطر اطلع وخدمتكم مليون سنة
الانتقال لا يسبب اي نكران او جحود للاعب, ولكن طريقة الانتقال هي اللي تفرق
اتمنى فكرتي وصلت
والف شكر على موضوعك الجميل |