|
جبنا من يضيحي بدالنا و ليتنا م سويناها :d بمناسبة قرب عيد الاضحى
السلام عليكم ورحمة الله و بركآته
في عيد الاضحى العام الماضي 
كانت اول مره ما يقوم الوالد او احد من اخواني بذبح الضحيه و باقي الامور
لكن العام الماضي قررنا جلب من يقوم بهذا الدور
و يا ليتنا ما قررنا 
المهم نهار العيد وصل البنقالي 
راح يمه اخوي الاكبر
و قاله كل شي و كيف و اين و متى و كل شي
و قاله طلع (القرون)
و تركناه على انه بيقوم بالواجب و انه يعرف و ما يحتاج مراقبه 
رجع يمه اخوي و لقى العجب العجآآآآآآب
لقاه قاطع او قاص (الذنب) <<اشوى انها ماراح تنحط مفطح
و القرون اللي اخوي وصاه انه يطلعها و ليته ما وصاه
لقاه شالخ الراس من يمين و يسار 
صار راس الذبيحه (مثلث)
اخوي قاله ليش وش سوووويت انت ما تعرف ؟؟
رد البنقالي بكل ثقه وهو واقف بجانب ضحيته اللي مدري كيف كان معلقها
(إنا معلوووم انتا مافي معلوووم صديق  )
اخوي يبغا يتكلم ماعاد قدر من الضحححححححك
لكن الله ستر و عدت ع خير
حتى انا حرمت اذوقها مدري ليش يمكن من اللي شفته
يعني المسيكينه تعذبت قبل الذبح و بعد الذبح على يد السفاح البنقالي
فـ من بعدها خلاص توووبه نجيب احد يقوم بهالمهام بدلا منا
و هالعيد خلاص ماراح يضحي غيرنا واللي ما ياكل بيده ما يشبع 
و هذي موقف حبيت اذكره بمناسبة العيد لا اقل و لا اكثر
و اذا كان الموضوع بلا داعي او مخالف للمشرفين الحق في اتخاذ الاجراء اللازم
تحياتي
 | 