السبب من وجهة نظري الموطن لأنه اول شي يفكر فيه الواسطه

ولو رفض قريبه المسؤل يتوسط له سقطت اسهمه اجتماعيا

وانهالت عليه التهم وانه ينفع من وراه منفعه

كنت احدث صديقه عن قريب لي في مجلس الشورى وكيف انه يرفض الواسطه

وانه حتى ابنائه وبناته ما يتوسط لهم فبنته الصغرى قبلت بقسم لا تريده

ودرست ترم بعدين حولت رغم ان والدها يقدر يخليها تقبل بالقسم اللي تبغى

وبنته الثانيه معيده في كليه وكانت تبي جامعه معينه لأن اختها ووالدها هناك

لكن والدهم ما توسط لهم رغم كفائتهم واستحقاقهم انا اعرف البنات جيدا

وما شاء الله كلهم تربيتهم راقيه واخلاقهم عاليه وقمه في الأدب والتواضع

وما يحبون ياخذون شي ما يستحقونه صديقتي عصبت من قريبي لأنه رافض مبداء الواسطه

وتقول اللي مافيه خير لعياله مافيه خير لغيرهم

ذنبه الوحيد انه اراد تأدية عمله بأخلاص وأمانه واتهم فيهم لأنه بدأ بنفسه

لو كل مسؤل ما قبل بالواسطه وكل مواطن ما استعان بواسطه بتتحسن امور البلد

يصورك ساهر كلم قريبك اللي يشتغل هناك ويلغيها

مسكك المرور كلم قريبك اللي بالمرور ويطلعك من الحجز

تبي وظيفه كلم قريبك ويحط لأسمك اولويه حتى لو ما معك شهاده

سيارتك محجوزه كلم قريبك يشيلون المخالفات وتطلع سيارتك ويرجعونها مره ثانيه

الخلل انه لما يقرا اسمك من العائله او معرفه يخالف عشانك القانون

وما احد يتكلم لأن الكل كبير وصغير ماشي ع الواسطه

واللي يحش فيها ويعيبها لو حصلت له ما رفضها

لو تخلصنا من الواسطه صار للقانون قيمه

لو اصدرت فتوى بتحريمها ووجد عقاب ووعي من المجتمع صار مجتمعنا راقي

بالحب والإشراق