.
بعد ما شفت المباراه .. أول بالأصح الشوط الثاني ( شفته مرتين و كلها من الدقيقه 52 تقريبا ً )
أنا أشوف ان فوز السيتي أخذ أكبر من جحمه صراحه .. بالنسبه لي اللي صار بعد الدقيقه 88 شيء عادي بعد الآتي
تخاذل لاعبين المانيو و استسلامهم .. بالجهه المعاكسه لاعبين السيتي كانوا يبون نتيجه
و هالشيء جاب الثلاث الأهداف الأخيره
أما الثلاثه اللي قبل كذا .. سببها فيرغيسون و تشكيلته اللي بدأ فيها
فالنسيا و كاريك وش يسوون بالدكه ؟ .. المشكله يقول انه ملعب ويلباك عشانه أفضل بدنيا ًمن تشيتشاريتو !
خطة الـ 4 - 2 - 4 .. هذي ما تنفع قدام أقوى تشكيله بالبريمر
مع انها نفعت البايرن .. لكن تشكيلتهم أفضل من المانيو
بالاضافه للتغييرات الهجوميه و انت ناقص ؟
مثل خطأ فنغر بالضبط بمباراة الثمانيه
فريقنا أصلا ًترقيع .. راح و فتح النص لمن طلع المحور الدفاعي الوحيد كوكولين و دخل الجناح تشامبرلين
وقتها كانت 3 - 1 الظاهر .. و صار الفلم
عموما ًهاردلك منشستراويه و لا زلت أشوف فريقكم المرشح رقم 1 للدوري
السيتي قدامه مباريات قويه بالجولات القادمه .. أتوقع بيتقلص الفارق بكل تأكيد
على العكس .. المانيو خلص من الكبار كلهم
لكن الفرق ان السيتي بيلعب أغلب المباريات القويه برا ملعبه و المانيو بملعبه
.
