هذي الخطه ياتوماس راح تخدمك وتخدم الهلال 10 سنوات قدام ولك في برشلونه عبره .....
السلام عليكم ورحمة الله وبركاته
عشاق الزعيم تحية طيبه
وعظم الله اجرنا في وفاة سلطان الخير اسال الله العلي العظيم ان يدخله جنات تجري من تحتها الانهار ...وجميع موتى المسلمين ..
كلامي بالمختصر المفيد ..
فوز بطعم الخسارة .. وانا راح انتقد اللاعبين ... والمدرب
الكل شاف الهلال مع جيرتس وكيف كان المستوى لما يلعب بخطة 4-1-4-1 والانتشار وكثرة التنقلات بالكورة والحركة بدون كرة وقرب لاعبي الوسط لبعض ونفس اللي صار في شوط القادسيه الاول
لعب توماس بخطة 4-1-4-1 وخلخنا دفاع القادسيه وبغت تروح 8 الشوط الاول مع الرأفة
اماالشوط الثاني نزل القرني وطلب من عزيز الدوسري التراجع
وصار يلعب 4-3-2-1 واشوف الفريق انقتل وضاعت علومه
طبعا اللاعبين تخاذل تكاسل بشكل الغريب
والاظهره اللي ( مالهم فايده بصراحه )
اتمنى من توماس ان يستمر على نهج 4-1-4-1 فهي خطة راح
تخدم الهلال 10 سنوات
الان نشوف برشلونه 4-1-2-3 ولهمم تقريبا 6 سنوات بنفس الرتم والفورمه..
اخيرا ....
اتمنى ياكابتن توماس ان تعطي شراحيلي شافي والبيشي فرصه وراح تلقى بديل جاهز طوال الموسم ..
صدقني راح يتميزون وراح يرجع الزوري ونامي لمستوياتهم
لأنهم مالقوا منافس لهم في الخانه
يعني لو تخليهم جنبك كم مباراة راح يتحسنون ويحسون ان شاء الله ..
بالتوفيق في قادم الايام ..
تنوية :
( سيد دول انت تدرب الهلال افضل فرق القارة الصفراء وزعيم اسيا والسعوديه فالهلال لايخاف وتغيير الخطه بهذا الشكل المفاجئ من اكبر الاخطاء اتمنى ان تعلم ان الهلال يعشق الهجوم ثم الهجوم ثم الهجوم واي مدرب جبان مصيره الفشل؟؟؟ )
