مُباراة من قبل لا تبدأ صعبه على ليفربُول .. أفضليّة الأنفيلد وآخر إحصائيات بالفُوز تعطيك دافع قوي .. ماعلينا من كل هالكلام .. اللي صار خطأ كبير جدّاً من دالغليش .. فريق مسلّم أمره لك وبين يديك ويقولك شوتني أقوى وأقوى ! .. يعني ماراح يتوفّر لك مانشستر بأضعف من هالحال .. عموماً الخطأ دايم مايكُون بالتشكيلة والتوزيع وهذي المُشكلة من بداية المُوسم نعاني منها بعُنف .. الإشكاليّة كانت بتوظيف جيرارد وإنّك تعطيه أدواره وخصائص بالإنتشار أكبر وبدون لوازم وأدوار محدده .. جيرارد لاعب تحتاجه صحيح لكن أنت مو متأكد من جاهزيته الفل .. مسألة إنّه يتقدّم ويرجع ويدافع ويهاجم بكل لقطة هذي صعبه .. صح هذي ماتفرق مع جيرارد .. لكن بعد الإصابة تفرق كثير إلى إن يوصل مرحلة التوب فـ موضوع اللياقة .. عموماً جيرارد كان الخلل الكبير وتوظيفه بالملعب .. هو يحب الإنتصاف وخطورته بالنصف .. على الأطراف تقل خطورته كثير كثير .. وبتقل فايدته على الفريق .. الشوط الأوَّل هُو كان " سير المباراة " .. وكنت منتظر الكم هدف وصفق شبيتهم بس يعدّي بهالسُّوء وتهديد واحد خطير من لوسيتّو .. أقوى خط فـ فريقك بالجولات اللي راحت الجهه اليُسرى بين أنريكي و داونينق .. طيّب داونينق ماهو فـ أفضل حالاته وله كم جوله يلعب كِل المُباراة ؟ ويسبب لنا عقُم بكل كوره يمسكها .. كنا محتاجين تكثيف الضغوط على سمولينق اللي أقل من باقي الدفاع ومُمكن تضرب من جهته كثير بتوفّر عنصرين سريعين أنريكي / بيلامي .. المُشكلة كانت بـ توصيل الكوره مسألة إن الجناح بيسوّي كل شيء فالهجمه هذي صعبه .. ديرك كاوت كان من المُفترض أي جناح يستلم يكون هو أقرب شخص لـه للتنويع والإكثار فالحلول وتحرير سواريز من الرقابه اللصيقه عليه من ريُو فيردناند .. يعني إنت في ملعبك ويلعبّك السير كيف مايشتهي وكيف مايحب .. وعلى المُعطيات اللي عنده مُكتفي بالتعادل جدّاً .. ليه الخوف ورابط تشارلي آدم بإزدواجيته السيئه مع لوكاس .. في كُل تقدّم لـ تشارلي نشُوف إنتظام فالهجمه وقوّه للريدز فـ الأدوار الهجوميّه .. ونشوف حلول كبيره والضرب من العمق .. الفريق كان معدُوم وعقيم هجُومياً جدّاً اللي صار من ضعف عناصر المانيو ماهو فلاحه بالفريق والتخطيط والتركيبه اللي صارت .. مسألة إن كيلي الباك رايت مايصعد ولا مرّه فالمباراة !! هذي طامّه بحد ذاتها مع العناصر اللي ماتخوّف بالنسبه لـ دكّة المان .. يعني وين مُبادرتك الهجُوميّة اللي صارت بنهاية المتش ماكانت أبكر شوي لأن أنت محتاج الفوز ولازم تخلّص .. الدفاع ماكان فيه مُشكلة كبيره جدّاً .. ومُنتظم وأقول منتظم نظر لـ مستوى " جيمي " اللي لخمني فيه الحقيقه .. وكنت متخوّف جدّاً جدّاً .. من تواجده ! .. عموماً السير نواياه كانت واضحه جدّاً .. ولو دخُول ناني / روني .. من بكّير كانت المُباراة راح تطير .. مثل هالمُباريات مُتعبه جدّاً جدّاً .. سيناريو يرفع الضغط ..
* نُقطة نسيت أقُولها .. تكتيك الكورنر من الفريقين حكايه ثانيه .. ليه مانشوفها بأكثر من مُناسبة وأكثر من مُباراة .. يمكن مانشستر ينفذها صح .. لكن الإنتشار عن الحارس والتحرّك من لاعبين ليفربُول والإنتظام والدقّة بتنفيذها شيء خُرافي .. صرت اتفائل بكل كُورنر ينلعب لنا .. وأحس بخطورته وهذا الصح إنّك تستغل كِل نُقطة فيها خطوره لك وتستفيد منها بأي شكل من الأشكال وقد ماتقدر تحد من عشوائيّتها .. عموماً هذي نُقطة للمستقبل إستفدناها من هالمُباراة .. ونقدر نتفائل مستقبلاً فـ حصولنا على كورنر ..
/
هاردلك سكاوزيّه 
.. بيرسي يسجّل فـ 29 ثانيه على القطاوه 
