هلا ابو شمس ..
اعذرني على التأخير لأني من يوم المباراة وانا بعيد كل البعد عن النت ومايدور فيه ..
بخصوص سامي ..
فـ تخيل أنسان مريضه زوجته من اسبوع ونص ..
تتوقع له النفسيه الحلوة؟؟
زين اللي لعب وسجل وتحرك ..
ليت بعض الاخوان قبل كتاباتهم عن سامي .. يحطون نفسهم في مكانه .. ويتخيلون شخص قريب لهم ومريض..
الله يعينك عليهم يا ابو شمس
__________________________________
كماتشو : رائع هذا الفنان..
لكن عيبه ضعف اللياقه .. لأنه اجهد في الأخير ..
والسبب انه لعب عن نفسه وعن الشلهوب (( المعزوم في المباراة )) ..
على طاري الشلهوب .. وش رايك بمستواه ؟؟
ماتلاحظ أن نجوميته قدام الفرق الكبيره تختفي ؟؟
________________________________
باكيتا ... تفاريس .. أتمنى سرعة التجديد لهم ..
فـ الادادء بالشوط الأول .. كان أوروبي ..
اظهره مسكرة الاطراف ..
والوسط (( يدهر )) ..
آه لو كان الشلهوب .. شلهوب زمان .. كانت علوووم ..
سامي فتح صح .. واللي راح الملعب كان يشوف تحركاته وأماكنه اللي ياخذها .. كانت ممتازة ,,
______________________
سلفا .. لاتعليق .. الا أن كان اعلقه بالمشنقه .. فـ هذي ياليت !!
______________________
بخصوص الجمهور..
أحب أقول للي ازعجونا بجمهور الأهلي والاتحاد ..
ترى جمهورهم أثنينهم في مبارياتهم مع بعض (( ديربيهم )) ..
مايجي مثل حضور الأمس ..
المشكله أن جمهور جده لو جاء منه 5000 .. عطوا الملعب شكل حلو ..لأنه ملعب صغير وعلى قده.
بينما لو حضر 25 ألف هلالي.. لأصبح استاد الملك فهد كالخاوي على عروشه.. والسبب السعه الهائله ..
المشكله صحيفة الرياضيه تقول ..
حضر مباراة الأهلي جمهور كثيف.. بينماحضر مباراة الهلال جمهور متوسط العدد!!! (( استنكر وبـ شده ))!!!!
ياناس وين النسبه والتناسب ..
مشكله ان بعض المحررين والكتاب .. شهادة ابتدائي ماعندهم .. ولا قد طقوا كروة ..
________________________
ختاماً ..
الله يعينك يابو شمس على بعض العقليات ..
اللي يخلون الواحد يزهد في التواصل .. والاستمراريه ..
وكالعاده مبدع .. ومازال لأبداعك بقيه .. ونحن بالانتظار ..
أخوك الهلالي أبو سارة .. وآسف على الاطاله