إقتباس الرسالة الأصلية كتبت بواسطة مجنــ الانترـــون ههههههههههههههههه استغرب من بعض الناي يمجده ! بالعكس هالشخص انسان محظوظ بكل آمآنه ! جآي لـ فريق جآهز 100% , لو يروح اي واحد من المنتدى يقدر يسوي اللي سوآه بيب ! لاحظو معي في المباريات المهمه واللي يكون البرشا مهزوم فيها 1 ـ ضد الانتر في نصف نهائي الابطال كآن البرشا مهزوم وطلع مهاجم (إبرا) ودخل ظهير ( مآكسويل) 2 كذآلك ضد القنرز في دور الـ16 كان مهزوم طلع (فيا) ودخل محور او ظهير مدرب يمشي بالبركه مثله مثل ريكآراد يوم درب البرشا احسن مدرب بالعالم ومن هالخرآبيط وشوفو وين نهآيته ! كذآلك بيب بس آنتظرو له كم سنه ! مدرب البرشا دآئماً مآيُضخم إعلآمياً وهو مآحولك آحد مع الآسف !

# ما ادري ليش تستغرب انه الناس تمدحه او تمجده .. وهو الناس لازم تمشي على ميول احد معين والا كيف؟

# شئ طيب والله انه خلال 4 سنوات هذا الا قدرت تجيبه على بيب!

# اذا كنت بتجي تنتقص مدرب او تنتقده .. على الاقل ادعم كلامك بشئ صحيح! .. حالتين ذكرتهم خاطئين! ..

- اولا .. ضد الانتر .. تبديلات غوارديولا ماكانت ابراهيموفيتش بـ ماكسويل .. ماكسويل دخل بدل ميليتو (بتقولو تبديل مركز بمركز كعادة اسطوانة انتقادات المدربين المشروخه) .. طيب بس ميزات اللاعبين مختلفه وماكسويل هجومي اكثر .. والتبديل الا حصل لـ ابراهيموفيتش كان بدخول بويان .. اللي على فكره سجل هدف وكان ممكن يأهل البارسا لانه هدف صحيح بس الا صار صار .. ماكان مكتوب التأهل ولا هي نهاية الدنيا

- ثانيا .. ضد الارسنال .. لما طلع فيا كان البارسا مو خسران .. فيا طلع والبارسا متقدم .. وطلع للاصابه اساسا ..

- التبديلات كتاب مفتوح .. مافيها قاعده .. لو كنت خسران دخل هجوم زياده .. لو كنت تعبان لاتبدل مركز بمركز .. وووو .. بالتالي الحكم على مدرب بالقياس على تبديلاته .. خليني اقولها بشكل محترم .. شئ ما فيه منطق كروي! .. لانه كرة القدم فيها اشياء اكبر بكثير من مجرد 3 تبديلات بمباراه!

- بما انك جبت طاري ريكارد المخدوعين فيه احنا بحسب كلامك (تقريبا) .. وبما انك من عشاق الانتر واكيد من المطبلين لو مورينيو في كل شئ حتى لو غير تسريحته .. فـ صديقك كانت له تغييرات اغرب اذا كنا نسمي تغييرات المدربين غريبه .. مثال .. دخول روبرت هوث ضد البارسا ايام ماكان مددرب تشيلسي [روبرت هوث قلب دفاع .. دخله عشان يدابح على كور عاليه وطويله] ..

كل شي من مورينيو يعتبر شئ سليم ولا تشوبه اية شائبه .. وانا ماقصد اتصيد على شئ ابد .. بس على الاقل معلوماتي صحيحه في اللي اكتبه!

# بالنسبة لحظ غوارديولا .. فـ شخصيا ماعندي احصائيات ولا اقتباسات لنوعيات ردود .. ولكن اذكر تعليقات الناس على البارسا من ايام ريكارد لييين وصول بيب عبارة عن التالي:

- الفريق يحتاج حارس ثاني

- الفريق يحتاج مدافع قيادي

- ثنائية انييستا وتشافي ماتجي ابد .. وهالشي عباره عن افلاس تكتيكي .. والمفروض فيه لاعب قوي بدنيا في النص

- البارسا ولا شئ ولو ما رونالدينيو ماوصل لشئ

- ديكو مركزه خطأ

- تشافي لاعب عادي وحده يمرر للدفاع والاظهره

- انييستا وميسي زجاجيين

وبقدرة قادر .. هالفريق كله صار جاهز خلال موسم واحد ومافيه اي مشكله .. على الرغم من التغييرات الجذريه الا صارت فيه!

قولو الا تقولوه .. في النهايه ما احد راح ياخذ شي من بيب استحقه بنفسه!

--

بالنسبه للخبر ..

مافيه خوف على بيب من شئ .. وبيب ماراح يخون احد .. وقت ما يحس انه مايقدر يقدم شئ بيطلع والكل محترمنه ويقدره ..

الولد علاقته بالبارسا ماهي علاقة بزنس كثر ما انها شغف واحترام للنادي الاقرب لقلبه ..

العقد السنوي يعتبر رغبه خاصه في بيب واتصور انه لو وين ماراح بيطلب نفس نوعية العقد ..

هذي طريقة تفكير بيب والتزامه مع اي احد ماهو التزام على الورق كثر ما انه التزام ذهني وجسدي