شطحاتي ( 4 ) والقناة السعودية الرياضية
السلام عليكم ورحمة الله وبركاته جمهور الزعيم لكم كل الود والإحترام وجايب لكم شطحات على كيفكم وان شاءالله تنال إعجابكم :
* القناة الرياضية وما أدراك ما لقناة الرياضية استقدام 120 مخرج أوروبي والحقيقة تقول أنهم 120 مخرج حفلات وأعراس .. >> لاتعليق .
* الله يرحم قبل التطور كان مايفوتنا ولا هدف بالدوري أما الحين يروح عليك هدفين والمخرج يعيد لقطة الآوت >> كل ماجيت أقنع نفسي أنهم أوروبيين أتفاجأ كثييراً.
* على طاري الإعادة الجديدة اللي بالقناة الرياضية ماتلاحظون أنهم ازعجونا فيها تخلص المباراة والمخرج العزيز للحين يعيد لقطة السنتر .
* الإحتراف في القنوات الرياضية مهم جداً في تطور كرة القدم في أي دولة ولكن حين يُعرض الإعلان التجاري ويأخذ نصف الشاشة والمباراة مستمرة ببساطة أقول لك ترا ماعندك أحد .
* اتعجب من المذيع حين تأتيه مصادره بخبر غير صّحيح ولايعترف ويُصر على خطاءه وحين يقول له الضيف أن دورك هو نقل المعلومة الصّحيحة وليس إثارة المشاكل يرد المذيع بإحترافية ومهنية عالية بقوله ( وانت وش دخلك ) حقاً إنها إحترافية مواكبة للتطور .
* حين أُشاهد القنوات الرياضية الأخرى وإضاءة الأستديوهات لديهم وروعتها ، أحس قناتنا لمبه لك ولمبه للضيف وشوله الخساير وصرف كهرب وبعدين أحلى الأضاءة الخفيفة تبين نص وجهك وتعطيك خلفية ولاتخليك تحط بودر واجد .
* ودي أعرف اللي قال لهم افتحوا 6 قنوات كان متوقع ينقل الدوري الأسباني مثلا ياعمي أرخص شي الدوري الأسكتلندي ورافعين سعره يقولون الطماط غالي في اسكتلندا وبعدين نصف مباريات كأس الأمير فيصل ماينقلونها بس يقولك ربعنا مسوين زحمة فالأقمار الصناعية يطلعون في كل تردد هههههههههه
* لو كانت القناة الرياضية السعودية في البث التجريبي لعذرتها ولكن هناك قنوات جاءت بعدها وسبقتها إحترافياً وتكنلوجياً ، قناتنا الحبيبة كـيف الحال؟؟؟!!
* جمهور الزعيم ما أروع ردودكم فهي تعكس مدى رُقِيْكُم وسموكم وثقافتكم العالية فشكرا لكم من القلب .
أخوكم / زعيم الشطحات
عبدالله القحطاني  | 