نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الـمـشـاغـب · #13 04/10/2011, 03:06 AM

أولاً حنا متفقين على إن المجلس العام ما يوقف على أي شخص .. مثله مثل الهلال

لكن بكل صراحة .. لو بحثنا عما كان يميز المجلس عن غيره من المنتديات لوجدنا
أن المواضيع المطروحة فيه رغم تنوعها واحتوائها على الغث والسمين إلا أنها تختلف عن بقية المنتديات في المواضيع المطروحة والردود فيها ..
كنا نقرأ الموضوع ونكمل قراءة جميع الردود لأننا كنا نعلم بأن الردود ( دسمة ) وفيها ما يغنيك عن عشرات المواضيع ..
فيها طرح وجهات نظر بشكل يفيد المتلقي , ونقاشات حامية الوطيس , وأكشن يجعلك ما تفوت ولا لحظة بالمجلس

لكن الآن .. ادخل على أي موضوع مميز أو عادي , وانظر للردود !
تلقى ردود أبو ريالين .. ما تفيدك ولا تشجعك تكمل بقية الردود .. وأيضاً ما تشجعك تكتب موضوع آخر لأن ردة الفعل على موضوعك بتكون عادية ما تختلف عن أي منتدى آخر !
يسلمووو .. موضوع جميل .. شكراً على الموضوع .. كلام سليم .. تقبل تحياتي قبل مماتي .. الخ

انظر لردود هلالي من أرض اليمن ..

في أي موضوع يرد فيه يكون رده عن عشرة مواضيع .. سابقاً كان المجلس يحتوي على عشرات الردود المشابهة لردود هلالي اليمن .. أما الآن فنادراً تلقى رد يفيدك !
خل المواضيع على جنب .. المواضيع مو مشكلة لأن فيه مواضيع وأقلام مميزة موجودة الآن .. ولكن المشكلة الأكبر في التفاعل مع هذه المواضيع !
هل يوجد الآن في داخل المواضيع تعقيب على بعض الردود وأخذ ورد كما كان يحصل سابقاً؟ للأسف نادراً ..
لذلك حتى لو رجع فلان وعلان , ما راح نستفيد شي إذا ما رجعنا لأسلوب المجلس القديم حتى لو اضطر المشرفين إلى إضافة بند جديد بخصوص الردود !

أتذكر قبل كم سنة .. كان فيه عضو جديد على المجلس العام ما كان متحمس للمشاركة بالمجلس بحجة إن المميزين كثير وصعب يثبت وجوده !
قلت له بكل بساطة : ما تحتاج تكتب ولا موضوع حتى تثبت وجودك .. ببساطة اجعل ردودك هي من يعبر عن شخصيتك للأعضاء .. نسق ردك واترك عنك ردود أبو سطرين وتفاعل مع الموضوع بأسلوب جيد .. وبس !!
وفعلاً في خلال فترة بسيطة أثبت وجوده وغطى على كثير من الأعضاء من ضمنهم محدثكم لدرجة إني صرت أغار منه وما صدقت يترك المجلس العام

هالعضو هو ليو ميسي حبيب الشعب

والله كنا إذا كتبنا موضوع ما نفارق المجلس نبي نشوف الردود الدسمة .. أما الحين نكتب الموضوع ونروح كم يوم وما تفرق معنا !

فياض العضو النشيط موسوعة المجلس العام .. تذكرون ردوده ! يا شيخ ردوده تشرح صدرك وما ودك إنه يوقف !
وأعضاء كثر مثل فياض .. عشان كذا نقرأ كل ردود الموضوع حتى لو وصلت لعشر صفحات !

شكراً يا دونت على إتاحة الفرصة لي للفضفضة

وتراي رديت ومسكت نفسي من الشطحات عشان ما أجرح مشاعر أحد