نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ مـفـتـي الـمـمـلـكـة مـا زال للـتـرقـيـع بـقـيـة ][

Fahad Al Sudais · #14 27/09/2011, 08:55 PM

والله الشيء الوحيد اللي انا مستغرب منه هو ردودكم !!

ما كأنكم عايشين في هالبلد ولا كأنكم عارفين سياسة الدولة من خمس سنوات وجاي ؟؟

مصيبة اذا انت عايش في مجتمع وماتدري وش يدور حولك !!

شطحة

من ثلاث سنوات تقريباً وجميع المستشفيات الخاصة والمستوصفات في البلد تلقى موظف الاستقبال فيها ( بنت + ولد )
والصيدليات اللي داخل المستشفى ايضاً نفس النظام ( بنت + ولد )
والعلاقة بينهم متينة والسوالف تدهر .. هو يطلب منها قلم وهي تعطيه ثم تقول له وين القلم ياحرامي

وهو يضحك والسكسوكة جنان

ثم يقوم من مكانه ويروح عندها ماسك الفاتورة ويميّل عند راسها يسأل عن معنى كلمة في ورقة التحاليل
وهي تضحك وتقول له ليتهم رقدوا ذيك الليلة وفكوني منك ومن اسئلتك

وهو يقول لها مع نفسك يالشينه

وانت يالمراجع واقف قدامهم فاغر وتتفرج على اجمل علاقة اخوية بين اخ واخته بما لايخالف الشريعة الاسلامية

انا شخصياً كنت واقف عند صيدلية المستشفى الوطني بالملز انتظر الصيدلي الشاب يجيب لي الدواء
راح النشمي وجاب الدواء وقرب عند زميلته الحسناء ام عيون عسلية يسألها اذا هو الدواء المطلوب
البنت اخذت العلبة وشافتها ثم قامت من مكانها تلحقه وتهاوشه وهو يركض ويضحك وشعره يهفهف مع نسمات الهواء

وهي تركض وجميع مؤهلاتها تهتز كأنها كريم كراميل

وبعد مطاردة هوليوودية جت البنت وجابت لي الدواء والولد داخل زابن ويضحك
وانا يشهد الله اني الى اليوم ما ادري وش الدواء اللي جابه لها واستخف دمه وكان سبب في المطاردة الشرسة بين الخروف ونعجته

ياحليلهم والله

لايقين لبعض ويوسعون الصدر

الله يعزك يابومتعب