مساكم / صبحكم الله بلخير يازعماء

بعد كم يوم إن شاء الله الزعيم بيخوض مباراة مفصليه ضد النادي الاهلي

وبصراحه ماأخفيكم أني متفاءل بنقاط الثلاثه إلى راح تكون خير حافز لإنطلاقه

الزعيم كما عهدناه ، وهذا التفاءل له عدة أسباب أبرزها :

عوده شبيه الريح ابو فيصل من رحلة العلاجيه ، وحضوره للمباراة .

عوده الوحش إيمانا من بعد الإيقاف ، وبصراحه راح يكون دفعه قويه للفريق

عوده نجوم الفريق عبدالعزيز الدوسري ونواف العابد من المنتخب الاولمبي

ولاتنسون فوز الزعيم على الاهلي راح يوقف الاهلي على 9 نقاط ونعادله في النقاط

وننافس على صدارة الدوري .

المباراة راح تكون في يوم خميس ( يعني لامدارس ولاشغل ) وألأجواء الحمدلله

بدت تزين ، كل الأسباب إلي ذكرتها هي إلي خلتني متفأل بحضور اكثر من خمسين

الف هلالي ،خلف الزعيم ، ولاتنسون الهلال محتاج إلى جرعه دعم ومسانده الزعيم

واجب علينا ، تكفون يأهل العاصمه الزعيم محتاج لوقفتكم