| شفتو سكتم بكتم حلقة اليوم الوطني .. تحديداً يوم فايز المالكي يفتح باب السياره على الحريم ؟
هذي شفتها امس .. سياره توقف عرض قدام سياره .. ينزلون الشباب و يفتحون الباب على الحريم و مافيه الا صراخ و صياح من الحريم
طلعت من البيت بعد صلاة العشاء .. من اجل احد الشباب بيسافر لتبوك بعد ماتعين مدرس .. و قلنا نجلس معه اخر جلسه .. و اشوف المنظر قدامي .. بصراحه شيئ مخجل اللي صار
يعني لو معه اهله هالآدمي ذا و جيت انا ولا جاء اي واحد و فتح باب السياره على اهله وش بيسوي ؟ اقل شي بيسويه بيشق راسي و يخليه زي الكوره بالشارع يلعب فيه
سؤال و اتمنى الجواب بصراحه : سابقاً لما كان اليوم الوطني مافيه اجازه و كنا نداوم بالنسبه للمدرسين و الموظفين و الطلاب .. هل كنا نحتفل زي كذا ؟ هل كنا نحلل ماحرّم الله بهاليوم ؟ ولا كان يوم عادي يمر علينا كأي يوم و مانعرف ان اليوم الوطني هو اليوم الا لما يطلع سليمان العيسى و يتكلم عن الوطن و منجزاته و توحيد البلاد ؟
اذا كانت الوطنيه عند البعض كذا .. فسحقاً لوطنيتهم | 