20/09/2011, 10:17 AM
|
 | زعيــم نشيــط | | تاريخ التسجيل: 21/02/2008 المكان: !! .. Xx Unknown where xX .. !!
مشاركات: 927
| |
. يعطيكم العافية خفافيش   ! بس ترا قائمة المصابين مضروبة لأن انييستا مستحيل يلعب + سانشيز نسيتوه ! كان فيه نقاش بالرابطة حول اللعب بخطة 3 - 4 -3 وهي الخطة اللي لعبنا فيها مباراتين من أصل 3 لعبناها بالليغا ، رديت عليه و ذكرت كم نقطة عن المباراة مالي حيل أعيدهن فاللي قرا ردي بالرابطة ينقزه هنا 3 - 4 - 3 لا لا ! ما أتوقع أبد نشوفها ضد فالنسيا وخاصة بالمستايا ، هالتشكيلة في الكامب نو وضد الفرق المتوسطة مثل أوساسونا ، متأكد أن بيب لو كان الدفاع عنده كامل مالعب فيها ضد فياريال ! فالنسيا فريق يلعب كورته بالأرض كويس و يظغط عالي بمنتصف ملعب الخصم غير أنه يمتلك أجنحة مميزة " بياتي ، هيرنانديز " ، فتطبيقه صعب جدا ومن وجهة نظري تعتبر انتحار ! المباراة فيها تعبئة كبيرة جداً من طرف فالنسيا ، لو يفوزون فيها بتعتبر البداية الأفظل بتاريخهم بالليغا غير أنها على ملعبهم وبين جماهيرهم ، و بيرفعون الفارق عن برشلونة بالصدارة الى 5 نقاط ! أهم شي مانفقد الكورة بمنتصف ملعبنا لأنهم سريعين بالمرتدات ، عندهم ظهير أيسر كويس هجوميا اللي هو خوردي ألبا مع بياتي قدامه بيشكلون جبهة يسرى قوية لازم يصير مساندة لألفيس فيها ، بانيغا لازم يصير عليه ظغط من أحد لاعبين الوسط لأنه هو اللي ينظم لعبهم ويبدأ هجماتهم ، مع رقابة فردية لصيقة لسولدادو ، تقريبا هذي خطورة فالنسيا مع التنبيه على حركة يمتازون فيها وهي سحب سولدادو لنفسه عشان ينزل قلبين الدفاع معه ويعطي فرصة لهيرنانديز يطلب الكورة من خلفهم ! فالدز - ألفيس - ماسكي - بويول - أبيدال - بسكويتس - تياغو - تشافي - سيسك - فيا - ميسي ، بتعطينا سيطرة على وسط الملعب ، و يبقى بيدرو ورقة رابحة بدكة الاحتياط ! ايمري دايم نلقاه مشخص بمدرجات كامب نو حتى لو ماكانت المباراة الجاية مع فريقه ، معجب بطريقة برشلونة و دارسها كويس خاصة بناء الهجمات من الخلف ! يوم الاربعاء ، 11:00 pm ، ملعب المستايا ، فالنسيا vs برشلونة ، سهرة ممتعة ! |
