السلام عليكم ورحمة الله وبركاته
مساء الخير جميعا
اولا انا كنت بأنتظر لين بعد المباراة النهائيه
وبعد ما ابارك لكم بالكاسانشاءالله واكتب الموضوع هذا
بس ماددرت اصبر الموضوع داعد يدردع بدلبي ,, والله ارثر اعجبني
قبل لايبدون الشباب يطيرون عيونهم علي افهموا الموضوع
ابغى اسأل سؤال واحد بس
ياشباب ياللي تشجعون الهلال متى اخر مره شفتو مباراة للهلال
اطربكم فيها الزعيم ؟؟ هجوم يمين ويسار ,هجمات منسقه
فرص كثيره في المباراة الوحده مهوب وحده ولاثنتين
على ايام السباك صفوت!!
يعني صراحه صار لي مده طويله ماشفت الهلال يلعب بالشكل هذا
ياشيخ امس حتى لو انهزم الهلال لاسمح الله ما عندي مشكله
لأن اللاعبين مقدمين مستوى ممتاز
ارثر ومع ان اللاعبين اللي معه مهوب كلهم تكانات الا
انه قدر يخليهم يلعبون بمستوى يوسع الصدر
اجل لو يرجعون الدوليين وش يبي يسوي؟؟؟؟؟؟
المهم ان ارثر اثبت بما لايدع مجالا للشك بأنه مدرب ممتاز
منول كنت ما كنت متأكد لأن النتايج قدام الشعله والاتفاق
كانت قدام فرق ضعيفه نسبيا وبصراحه كانت بدون مستوى
لكن مبراة امس مستوى الهلال صراحه غير شئ يشرح الخاطر
ياشيخ المباراة ودك تشوفها مرتين (على عكس المباريات
اللي قدام الشعله والاتفاق) ومباريات العام ماعدا
مباراة الهلال والصفاقسي التونسي
خلاصة الكلام لايقعدون مثل كل مره يكبون العشا ومن اول هزيمه
يلغون عقد ابوشنب تراه رجال والدليل انه مارضى بالمهانه
واول ماقضى عقده مع نادي الرخوم هج وخلاهم
هذا رأيي المتواضع واللي عنده غير ذا الكلام يعلمني
تحياتي
