نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

THE KOP · #12 16/09/2011, 07:47 AM

بآك

إقتباس


	أغلب حديثك هو تطبيل وتطبيل ثم تطبيل لفريقك وهذا طبعاً من حقك .. وكل بين سطر وسطر تقولي الروح والروح وجيرارد والروح ! أوكي أنا أتفق معك أن جيرارد من أفضل لاعبي العالم في عصره وهذا من الأصل شيء مفروغ منه لكن الشيء الأهم / عمرك سألت نفسك وين هالروح من عصر الثمانينات إلى اليوم ما طلعت إلا مرة وحيدة في إسطنبول ؟! أو هي مثل نيازك المجرات تطلع لنا مرة في كل عشرين سنة مثلاً ؟!

كلامي فوق يكفي عن الرد .. ياحبي يوم تتوقف عن المشاركات الاوروبية من موسم 90 حتى 96 شي مو قليل .. وصعب تبني فريق في فترة قصيرة .. انت تتكلم عن معظم نجوم الفريق هجروا النادي .. بالضبببط مثل يوفنتوس يوم سقط للدرجة الثانية في قضية مسوده للوجه مثل الي ناديك وقع فيها .. هذا هم للحين حايسين !

إقتباس


	أخي الفاضل .. المسألة لا روح ولا هم يحزنون أنت ذكرتها بنفسك وقلت أن الميلان احتفل بالشامبانيا بين الشوطين وهذا ببساطة هو السبب في خسارة اللقب وتحوله إلى الخصم الليفر صدقني أي فريق سواءً الليفر أو غيره بيقابل الميلان والأخير مستهتر ويحتفل بالشامبانيا بين الشوطين ، فالميلان بيخسر أكيد . الإستهتار وضمان اللقب قبل صافرة النهاية أهدت البطولة لليفر ! بإنتظآر عودة روح الليفر عآم 2046 إن شآء الله

عشان الميلان استهتر خلاص نخليه هذا سبب ؟! .. وين تكتيك رافا ؟ .. وين الحشره الي انحشرتوا فيها خلال عشرين دقيقه .. ضغط متواصل عشرين دقيقة جبنا منها ثلاث اهداف .. وبرضو ماننسى لمسة اليد الي حصلت من نسيا الي انحرم الليفر فيها من ركلة جزاء واااضحة وجميع النقاد اقروا ان الحكم ظلم الليفر في تلك اللقطة .. طيب الميلان نقول بعد الهدف الاول مازالو مستهترين .. طيب بعد الثاني .. معقولة الاستهتار استمر وبرضوا ضامنين اللقب .. التشكيلة الي دخل فيها الميلان كانت كفيلة بمحافظته على تقدمه بالشوط الثاني ... انت تتكلم عن مالديني وكافو وستام ونيستا " افضل دفاع بالعالم في ذيك الفتره " .. وخلال ست دقايق فقط انقلمتوا ثلاث اهداف .. كل ذي بالبركة .. اجتماع الاعبين والتفافهم حول جيرارد وتحميس الكبيتانو لهم كل ذي مالها داعي .. هي بباسطة ياعزيزي اسباب التمت مع بعض وحصلت النتيجة .. شوطييين اظافيين هجومك الي مكون من شيفشنكو وكريسبو ووسط الي يكفي تقول كاكا معهم ماقدرتوا تسجلون .. كل ذي استهتار ؟! .. اهل العقول براحه !

ماراح ارد عليك بنقطتك الاخيره .. لأني اصلاً موضوعي مايتضمن ولا واحد بالمية استفزاز .. اترك المشرف يشوف شغله معك !

إقتباس


	كانت تلك إحدى الليالي الإسطورية في الشمينز ليق التي لن ينساها التاريخ ... قدم فيها الريدز درس في الإصرار والعزيمة وعدم اليأس ... وخلق الأمل والطموح من لاشي ... كيف لفريق أن يكون خاسر بالثلاثه ... أمام عملاق أوروبي إسمه الميلان ... ويعود ويتعادل ويكسب النهائي ... !! صدقني كان إنتصار لاعبي ليفربول ... على أنفسهم قبل الميلان في تلك المباراة ... لذلك إنتصروا إنتصاراً تاريخياً يبقى ولا يزال هو الأروع ... من ناحية سيناريو المباراة الذي لا يمكن لأحد قبلها أنه تنبأ بأن يحدث ذلك التعادل المثير ... !! لكن لا مستحيل في كرة القدم ... !! شكراً لك

هنا الشخص المحايد .. فعلاً عزيزي .. انتصار الاعبين على انفسهم هو احد اهم اسباب الفوز .. كان ممكن كاراغر يفكر انه يحفض النتيجة من الزيادة .. لكن العزم كان هو للعوده

تسلم ع الطلة يافاهم !

إقتباس


	لو كنت مشجع لليفربول , لكفاني هذا اللقب بهذا السيناريو لعشر سنوات ..!! فريق من منقطع عن الدوري من 15 سنه ولا حققه , ولا هو مرشح , ابوو وقاحه ..!! ولا تلتفت لتعليقات البعض , فتصريح جالياني عن هذه المباراه بالذات وتغني الجماهير بباريزي يوم وداع مالديني ( المؤلم ) سبب في ذلك ..!! ليفربول كان ساطي وغاب وثم عاد , لكن بعض الفرق كانت كاستون فيلا واخر عشرين سنه برزت ويناقشون بالتاريخ , عجبي ..!!

شرفتني ياكروم .. والله ياحبي لو استمر الليفر بدون بطولات ابرك من انه يتورط بقضية رشاوي .. وبخصوص نقطتك الاخيرة فعلاً هناك فرق .. فرق بين فريق يبني نفسه بنفسه وفريق ينتظر سقوط البعض حتى يهيمن .. ولكن بأذن الله راجعين وبيرجعون مثل ماكانوا .. بيل شانكلي الكبير يقول عندما اكون في وقت فراغ .. انظر لجدول الترتيب لأرى ما احوال اندية مدينة مانشستر في مؤخرة الترتيب .. فعلاً زمن دوار !

إقتباس


	Anfield Fan

يارجل يكفي ان تقول ان مهاجمك الوحيد هو باروش الي اعتقد كان مدافع خامس للميلان .. وانت المهاجم البديل هو سيسه خخخخخ .. وازيد فوق كلامك ان هناك ركلة جزاء اوضح من عين الشمس ما احتسبت !

إقتباس


	bae333

شكراً ع الطلة

إقتباس


	لكنكووورد

شكراً عزيزي !