ياخوي ياجماعة الخير فكونا من عزيز
الخطأ من الادارة بالبدايه
يوم ان عزيز مبزوط بدون أعذار وهم مرخين له الحبل مادري ليه
ووقت ماواعدهم وتعهد بالانظباط وصار يجي ويتمرن بعدين سوا ابوه عمليه وغاب قوموا الدنيا وماقعدوها
مافيه انسان معصوم عن الخطأ واقصد بهالكلام ادارة النادي الجميع بدون استثناء ماعدا عزيز
لان له سنين هذا طبعه ماتجي بيوم وليله تغيره ولا كمان ابوه الله يشفيه مريض ووقت عيد
مثل هاللاعب يبيله طبيب نفسي مايبيله سامي الجابر يقول المدرب دول مايبيه مو منظبط
دول توه جاي مايعرف عاداتنا ولا تقاليدنا يحسب ان الابن ينسى ابوه ومن يصير عمر الواحد 18 يطلع ويستقل
ومافيه ترابط اسري ولا شي لالالا
كان مفروض يخصمون منه مو يطلعون وينشرون الغسيل ولاعب جاي يبي ينظبط ينقال عنه في وسائل الاعلام والله كنا مانبيه ورافضين رجوعه
خلو عزيز بحاله الخطأ مو من عزيز لحاله
جالسين هنا نحكم على الكل كننا وياهم وهم يتكلمون ترا مافيه شفافيه 100%
الي ندري فيه 60% بالميه باقي الامور غير معلنه
وبعدين مقومات النجاح اي واحد يعرفها بس وين التطبيق
انا اقولك متى يصير عندنا دوري قوي ولاعبين عالميين
وقت مايكون فيه خصخصه للأنديه ويكون العمل احترافي 100%
ويكون فيه اكاديميات ومدارس وقتها شف النجوم
اما الحين فصدقوني يطغى علينا حب الشعار لكن مافيه عمل منجز على أكمل وجه

عزيز خلوه ياكل عيش والله يوفقه

تحياتي