إقتباس الرسالة الأصلية كتبت بواسطة هلاليه محترفه الرطوبة عامله عمايلها في الاعبين وتاثيرها على الفريقين واضح وبالاخص الهلال لانه ماتعود على الرطوبه فما بالك تكون رطوبة عاليه المدرب الي الان لايلام على الفريق نقص حاد من حسن العتيبي - اسامه هوساوي - المرشدي - الزوري - العابد - الدوسري - الفريدي - الشلهوب + اصابة هرماش + تواجد العربي مع المنتخب + اصابة مبارك البيشي + استبعاد القرني وشافي الدوسري وسالم الدوسري المدرب الي الان لم يوظف لاعبين الاولمبي بمراكزهم الحقيقه وجلس يرقع وعنده خيارات في بعض المراكز سلطان البيشي ظهير يمين لعب ظهير يسار وبالامكان لعب خالد الكعبي ظهير يسار او سلمان الفرج خالد الكعبي ظهير يسار في الاولمبي لعب وسط يسار وعندك سلمان الفرج تقدر تلعب وسط يسار بندر البيشي وحسام الحارثي قدمو مستوى جيد في الضغط وقطع الكورات بندر من مباره لمباره يتحسن مستواه يحتاج لدعم ايمانا من صعب الحكم على مستواه لاول مره يلعب في جو رطب حاد اضافه الي ان هذي ثاني مباره له والاعبين الي لعبو في مبارة الرائد بالرياض قبل العيد غير اللاعبين الي لعبوهذي المباره بستثناء كذا لاعب وفي الملعب يصرخ لاكثر من لاعب حتى يتحركون والاعبين مافيهم حيل دخل سلمان الفرج وطلعه هل مايعرف ان مكانه الحقيقي وسط يسار تلعب خالد الكعبي شوطين كاملين طيب غيره ودخل سلمان الفرج ويضيف حيوية اكثر سحب بندر البيشي غلطة لانه كان عامل شغل في الوسط الفريق يحتاج محور تجي تسحبه الكوري عنده لمسات بس لازال يحتاج الوقت حتى يركد لاني احس انه مستعجل ويدخل سلمان الفرج واقل من 15 دقيقه يسحبه ويدخل محمد قاسم في المحور مع حسام الحارثي اتمنى اعرف وش كان يفكر فيه وهل مايعرف المركز الحقيقي ل سلمان مستوى الفريق ضعيف ولكن بحكم الظروف والنقص نقدر نعذر المدرب والاعبين تقريبا المدرب مع الفريق 7 اسابيع ولم يثبت على تشيكلة او معرفة قدرات الاعبين بشكل كامل مستوى الاعبين ك افراد خالد شراحيلي - 8.5 سلطان البيشي - 7.5 بحكم انه يلعب بغير مركزه رضوان الموسى - 8.5 حسن خيرات - 9 محمد نامي 9.5 بندر البيشي 9 حسام الحارثي 8.5 خالد الكعبي - 6.5 فهد السبيعي-7 ايمانا 6 الكوري 8.5 عيسى المحياني - محمد قاسم - عبدالعزيز السويلم- سلمان الفرج دخلو بدلاء وماقدر احكم على مستوياتهم المدرب ملاحظ عليه في المباريات الوديه السابقه في الرياض وهذه المباره تاخره في اجراء التبديلات الي يحتاجها الفريق في تنشيط بعض المراكز اتمنى المدرب يركز في التدريبات على تنظيم خط الدفاع + تدريبات المدافعين والمهاجمين على الضربات الركنيه تنفيذ الضربه واستغلالها كم ضربه ركنيه اليوم لم نستفيد منها + تفعيل الوسط اكثر في صناعة اللعب + تدريب الكوري اكثر على استلام الكره والتسجيل ويكون له تدريبات خاصه مادري اشوفه متحرك ومهاري بس مستعجل واستلامه خاطئ خصوصا في منطقة 18 + هذي بعض السلبيات في الفريق الي اتمنى المدرب يستفيد من المباريات وتعديل الاخطاء

التشكيلة الاساسية معروفة وان شاء الله يرجعون بدون اصابات وان كان الدوسري اصيب لاكن ان شاء الله تكون

بسيطة ويرجع قريب,,,,,,

بخصوص الاعب الي لعبه المدرب واخرجة بعد وقت قصير جدا هذا الدوسري وليسى الفرج.