للجميع مني كل الشّكر والتقدير
لكن اسمحوا لي بحكم اني صاحب الموضوع أترك لكم كم نقطه مهمّه
1- مهما صار من خالد عزيز يجب علينا احترامه كإنسان له تكريمه من الله عز وجل ، ويلزمنا ما نحتقره لأنه في الأخير يبقى إنسان له حق الإنسانيّه وله جماعه وأهل ويمكن أبناء ما يرضون له التجريح .. وهذا الشّي تعلمناه من كتاب الله وسنة نبيّه صلى الله عليه وسلم ،، وكذلك أبو فيصل الأمير عبدالرّحمن بن مساعد علمنا أن نتعامل بكل أدب وأخلاق مع الناس عموماً .
2- ولو صار خالد عزيز لاعب سابق يبقى لاعب خدم ناديه وخدم منتخب بلاده .. وكل واحد فينا ما يكمل مهما بلغ من درجات العطاء .
3- أعتقد موضوع خالد عزيز مهما كثرت عليه الشّائبات والآراء والتوقعات يبقى ممكن يكون فيه اسرار تخفانا جميعاً وبالتالي لا نرمي كلام هكذا مجازفه ونتعامل بحسب الحدث فقط كحال تعامل نادي الهلال معه .
4- لازلت أكتم في نفسي حاجه غريبه لهذا اللاعب بالتحديد ..!! لأن اللي صاير بصراحه شي صعب التعايش معه ولا يدري الواحد وين يلاقي صواب الخبر .
5- أنا كتبت الابيات لأنه لاعب كبير ويستاهل .. والابيات واضحه في معناها .. ونحترم جدّاً قرارات نادي الهلال فيه .. وحنا مع الهلال قلباً وقالبا .. والأهم بالتأكيد هو نادينا نادي الهلال .
6- أتمنى مااحد يزعل من كلامي ،، واتمنى يقدّر الله الخير للاعب ولنادي الهلال .. وما تدرون يمكن الله يحدث بعد هذا أمراً آخرا ،.
بارك الله في الجميع
