وش باقي اندم عليه .. عزيز ولى وراح
بسم الله الرحمن الرحيم
اعزاائي جمهور النادي الملكي زعيم نصف الآرض ..
السلام عليكم ورحمة الله وبركاته .. وكل عام وانتم بخير .
اولاً عندي رساله للعزيز " سابقاً " خالد عزيز :
دفتر معاذيرك شكى من سواياك
ماعاد باقي فيه صفحه جديده ..
خالد : كم أحببناك وكم هتفنا باسمك نحن جماهير الزعيم وكم كنت تبادلنا افراحنا واتراحنا وتبادلنا تحيتنا لك بردها ودموعك خير دليل لحبك للهلال .
خالد : ياخي حرام عليك تنهي مستقبلك ومستقبل اهلك وعائلتك بتخاذلك ومماطلتك في الحضور للنادي وأنت الذي في كل مرره تغلط وتسامح من قبل ادارة النادي الحاليه والسابقه ، وكم مرره نقول خلاص ياخالد نبي نفتح صفحه جديده وترجع بالواسطه وحب الخشوم وتقول خلاص ان شاء الله راح اكون عند حسن الظن وراح اغير من الصوره المعهوده عني ، وبعدها تجي وتخربها وكنك يابو زيد ماغزيت .
ليتك يا خالد اقتديت بالشلهوب او نواف التمياط او محمد الدعيع فهؤلاء اعتقد كانوا من المقربين لك في الهلال وكانوا خلال مسيرتهم الاحترافيه فالنادي لم يسجلوا اي حالة غياب بدون مبرر ولكنك وللأسف اقتديت بمثيلك من اللاعبين اللاعب عبدالله الجمعان ، فانت الآن تطرد من النادي شر طرده مثل سابقك والحين ياخالد تعال دور على نادي يلمك وترتاح فيه .
ثانياً : رسالتي لجمهور النادي الملكي زعيم نصف الأرض :
خلاص يازعماء خالد عزيز انتهى وكتب نهايته بيده ، فاتمنى منكم عدم البكاء على اطلاله لانه مايستاهل دمعه وحده تنزل علشانه ، هذا اللاعب اللي ما احترم مشاعر النادي ومسؤوليه وجماهيره وقاعد يتلاعب فينا وفي مشاعرنا مايستاهل مننا اي احترام او تقدير .
نعم حبيناه وعشقناه ولكن ياخالد للصبر حدود .
سويت له كل مستحيل
وبعينه اخلاصي قليل
لكنه ناوي عالرحيل
سلام مني لو رحل
والباب يوسعله جمل
.
.
.
ومضه :
اللي يبي فرقاي قدامه الباب
واللي يبيني فوق راسي وعيني .
.
.
.
تقبلوا تحيتي .. ودمتم بزعامه .
أبونسيم الهلالي 
