لا اله الا الله وحده لاشريك له

بكل صراحه في البداية ساورتني الشكوك
وجا في بالي قبل تبان الحقايق أمرين
إما أن خالد عزيز مهمل أو الادارة تسمع بالشدة
ارتفع ضغطي كيف يتخلون عنه وابوه ماله يومين مسوي عمليه ف القلب وتعبان من زمان
بعدين اتضحت الحقيقه انهم جالسين يكلمونه ومايرد
يقول وضع متدهور والحاله مستقره

كلمة حق ابي اقولها
ان كان مرافق مع ابوه ماطلع من المستشفى له يومين الي هي فترة الغياب
فمن غير الانسانية أن يتم استبعادة لمرافقته والده
حتى لو مارد على الجوال
كان بالامكان ان سامي الجابر والمدرب دول والامير عبدالرحمن وجماهير الهلال يزورونه ويساندونه
يعني كيف بالله اجي اتدرب وانا ابوي مسوي عملية حتى لو حالته مستقره حتى لو مارديت ع الجوال
من الممكن اني اجي والعب نهائي او مباراة رسمية اما اني اصير بوضع مقلق مابين حالة والدي ومابين عتب النادي وجماهيره
عشان يومين بالعيد ماجيت ومارديت؟
طيب من زار المستشفى من سئل عن المرافق المتواجد.
ترا المريض مو الي بين الحياة والموت المريض الشخص الي يشوف اغلى ماعنده بهالوضع
ويطالبوني بالاتصال والاعتذار
يعني فرضيه اتصلت وقال لي اي كائن عذرك مرفوض تبي تجي او نستغني عنك يكفي غبت يوم العملية
هذا بالله كيف ارد عليه او كيف يكون لي نفس اتصل واستأذن ثانيه وثالثه وكل يوم اتصل اقول ترا انا عند ابوي

هذا في حالة ان عزيز كان هو المرافق لمدة يومين فأنا اقول ان الشخص ما أخطأ
أما ان كان غير مرافق لوالده

فهنــا أقول غلط ومو من حقك الغياب وعدم الاتصال
واذهب أنت غير مأسوف عليك

عموماً موضوع عزيز انتهى والله يشفي ابوه ويشفي كل مريض ويمتعنا بالصحة ويكتبنا من اهل الجنه وينجينا من العذاب.

وبالتوفيق يارب لعزيز وغيره على قولة القايل : على نفسها جنت براقش

تحياتي للجميع