< ناويها شر >

بسم الله أبدأ وعليه أتوكل ,
السلام عليكم ورحمة الله وبركاته .

كل عام وأنتم بخير .. من العايدين من الفايزين ، تقبل الله ، أيامكم سعيدة ، وش مسوين ،

وشلون الطفش ـ، قصدي العيد ؟

أبد والله ما عندي شيء بس هرجة وقلة حياء , قصدي نسولف شوي معاكم

بخش بـ مجموعة من النقاط اللي عنده اعتراض عليها أرقامنا هذي هي : 05×××××××× - 01-×××××× فاكس / ××××× ، تيليفاكس / ××××× < سماجة !

ـــــــ

1

وش سالفة النوم ؟ يستهبل ؟ ولا يمزح ؟ من بعد العيد ما أنام إلا ساعتين ثلاث ؟ الحين ما بوه إلا أنا بالبيت تقل دجاجة ! الأهل نايمين وما يقومون إلا على 11 - 12 ، لالا عاد صدز وش فيه ؟ مع ذلك أقوم شبعان نوم ومفلل ! الظاهر إني آخذ احتياط نوم يوم بالرمضان ، اصبروا دزيزة ,, باك .. نتفت واحد بالراس < يلعب ! > اييه تقولي , اقولكم , مدري والله وشفيه ! مدري بس أنا يعني صديق نفسي وإ أنتم معي ؟

2

الدراسة قربت والوناسة حان طاريها
بعد اسبوع كان الله أحيانا . بتكلم المدير / لالا هذا فصلك ,, وين المدرس فلان ..؟ ههههههههه الله يعين ,, اللي بالمتوسط الله يعينه , واللي بالثانوي الله يعينه بعد .. واللي بالابتدائي الله يعينه بعد براسك شيء؟
ياخـ/ت/ي مدري وش فيهم الوزارة ؟! معينين ولد عمي بالقنفذة ، والثاني بالدوادمي وحنا بحايل ! , ياخي فاصلين قسم ! القنفذة تبعد عنا حوالي : 1250 كـ/م ، والدوادمي آشووا قريبة نسبيا 450 تقريبا ! مع ان تخصصاتهم حلووة . واحد تربية فكرية مسار عقلي < ماني متأكد > والثاني عنقلزي اييه الله يوفقهم !

3

سماجة !
تلاحظون السماجة كاثرة وبقووة ّ بدأوا يسيطرون على مجتمعنا المتحضر ! ياخي سماجتهم ما تتحملها .. خصوصا بمواقع التواصل الاجتماعي والبي بي !! يقولك : فيه واحد يمشي وفجأه طاح .. هههههههههههه سماجة ! ،، لا وبعد مسوين قروبات بمسمى / سماجتنا ، جودتنا . نعتز بها ! سلامات والله لو انتم نادك < عفنا المر××× > لا والثاني يقول ، خلك سامج تعيش سامج ! ياعمي روقنا !


4

الجو بدأ يبرد عندنا ، ما أقول يبرد , أقول بدأ يتعدل ! والله شكلي من الليلة بنام بالسطح ـ عاد حنا ساكنين بـ ( مقطعة ) حي جديد مابوه الوالي < حتسي العجز يعني مابه احد > مدري هو منه أو لا ؟
ويقولون ان هالسنة اللي هي 2012 هي أبرد سنة وأحر سنة من 100 سنة !! مدري عاد ,, طبعا قصدهم بالحر بصيف 2012 .. آحس انها كذب . ! / أحد معارفي يدرس في بريطانيا هالصيفية وللحين ما جاء .. يقول درجة الحرارة وصلت 35 الشعب ماتوا ! يقول كل واحد ماسسك دش الماء من الحر ,, عاد يقول أنا وأخوي نقولهم إن هذا البراد اللي يجينا .. يقولي أمشي الظهر تقريبا درجة الحرارة 35ْ والشوارع فاضية ,, والموظفين أعطوهم إجازة ! تخيل لو عندنا هالنظام . كان ما نداوم ومدرس إلا بالشتاء

5

الشركة السعودية للكهرباء ! وشلونكم ؟
شركتنا الكبيرة المعروفة الشهيرة الـ.. الـ,,, ، أطلق شكرة كهرباء بالعالم .. تصدقون ؟ ــ شارعنا رئيسي ( للي من حائل ويبي الشارع تراه شارع الأربيعين ) المهم مالكم بالطويلة طافي من ليلة العيد ! وحنا نبي ننذخ ( نتفاحر ) عند ضيوفنا اللي من القصيم . وآخر شيء الكهرب اللي بالشارع طافي تشوف صار يمكن صار حادثين أو ثلاث ، وبالليل تسمع أنواع البريكات .. ما يشوفون .. إذا مشيت معه تحس نفسك بسفر ،،



6

ههههههههههههه

من عمره يجلس مع شيبان ؟ ياخي قسم انهم فللة .. أكثر كلامهم +18 .. مايهمهم اللي قدامهم . بهالعيد عدلت نومي ومن الطفش صرت أجلس معهم أحيانا .. ياخي كلامهم كبيير ودرر بس صراحة .. عندهم حكم وأقوال ما تسمعها من العلماء

7

كنت أبي أكتب نقطة وكلام وهياط بس للأسف نسيته

ـــــــــ


طيب اللي زول ووده يجيب له فطور .. وهو فووق والمطبخ تحت < يبي يصير فوق مثلا > الله يعين .. لازم أنزل ..

يالله ما أطول عليكم وأعذروني على سماجتي ..

والسلام عليكم