العودة إلى الحب

جيتك وفاء والحب يرسم طريقي
.......... على مساء الود والعشق وطيوف
جيتك مع طاري شعوري الحقيقي
.......... أنثر على دربك مواويل وحروف
طاير مع مزونك يا حبي وعشيقي
.......... طامع ألامس ليل عـ المتن معطوف
وأشم من خدك ورود ورحيقي
.......... وأبحر مع نقش ٍ بالكف مصفوف
يا كل هالدنيا يا ناسي ورفيقي
...... يا جاذبية ورد .. بالعطر محفوف
لو كنت ماسة فـ أنت روعة بريقي
........ أنت الأمل لو كان محبطني الخوف
تذكر اللقاء الأول وجنبي صديقي
........... يومك تطالعني وأقول لك روف
شبيت فيني نار بنظرة وحريقي
.......... ولعت قلبي فيك وللحين مشغوف
واليوم شوف الحزن فيني يليقي
......... صوبتني بسلهامتك والحين ما شوف
مهما يطول الوقت وإلا طريقي
.......... بجيك بإخلاصي مع الشوق ملهوف

وكل يوم وأنتم بخير