26/08/2011, 10:46 PM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
ألف شكر لكم شباب , خالد تصاميمك خورافه ’، جولة مثيرة ممتعة وشي راح نشوفه في كثير من الجولات بارتفاع نسق كثير من أندية متوسط الجدول سواء بسبب صفقات تغير موازين الفريق او طموحات تعالت للتواجد بالبطولات الأوروبية لـ بعض الأندية   الكفة ترجح حظوظ اليونايتد لأمور كثيرة وواضحه للأغلبيه , النقص اللي يعاني منه الأرسنال من ايقافات واصابات والأمور النفسية عند بعض اللاعبين من الخسارة الماضية لـ التأثر بخروج لاعبين يعدون العمود الفقري للغنرز .. في المقابل المانيو حالته الفنية والمعنوية أكثر من ممتازة , صف أول يقدم آداء رآقي ودكة بدلاء تستحق اللعب بالتشكيل الأساسي , اضافة لـ عوامل الأرض والجمهور اللي بكل أمانه أشوفها رآح تخدم المانيو كثير لو كان الأرسنال بكامل عافيته , ه النقاط تقريبا تلخص لنا الحال المتوقع قبل المباراة .. لكن مَ ننسى بأن الكلاسيكوهات الكبيرة والديربيات الشرسة دائما تتهمّش فيها أمور النقص بالايقافات والاصابات بالمجمل , خط هجوم الأرسنال شبه مكتمل بتواجد أرشا وثيو وبيرسي والشماخ وبنتر فـ ه النقطة ممكن لو يتم استغلالها من فينغر والتركيز عليها ربما يخطف نقطة بهذي الظروف خصوصا وان المانيو يعاني من مسألة المحور الدفاعي وضعف الحارس للتصدي للكرات من خارج المنطقة المحظورة , بيرسي وارشا بتوجيه من فينغر بالتسديد المركز ممكن تتشكل خطورة على مرمى الحارس دي خيا .. في المقابل المانيو برضو قادر على محاصرة الغنرز , اشلي - ناني - روني يقدمون عطاءات ممتازه وتفاهم كبير والمحور الدفاعي برضو للأرسنال ضعيف بغياب سونغ وأطرافهم الدفاعية برضو ضعيفه بتواجد سانيا على الطرف الأيمن اللي مَ اعتدنا نشوفه فيه والشاب بالطرف الأيسر "ناسي اسمه" هنا تكمن نقطة ضعف الأرسنال في اطرافه الدفاعية .. لعبة مدربين وننتظر وش راح يصير وكيف راح يكون السيناريو .. ’، السيتي والسبيرز رآجعين لهآ بـ اذن الله . . |
