| أبوأريج ..
هههههههه أما خمس أيام !
مآليزيا مآ تصلح خمس أيام .. أقل شيء 14 يوم يعني أسبوعين
بأقولك عن سفرتي بإختصار شديد والحكم لك أنت ..
أنا حجزت لمآليزيا على طيرآن الإمآرات << التآسع على العآلم في الترتيب من نآحية الفخآمة
التذكرة ذهآب وعودة قميتها أربعة آلاف ريال .. أنا شريتها قبل أسافر بشهرين تقريباً عشان أضمن الأسعار الرخيصة قبل يرفعون سعر التذكرة وأبتلش
الرحلة بمآ أنها على طيرآن أجنبي بيكون فيها ترانزيت .. اللي هو طبعاً بيكون في دبي .. الرحلة كآنت كالتآلي /
1- من الريآض إلى دبي << مدة الرحلة تقريباً سآعتين .
2- استراحة في مطار دبي << جلسنا تقريبا خمس سآعات .
3- من دبي إلى كوالالمبور عاصمة ماليزيا << مدة الرحلة سبع ساعات .
ماليزيا عبارة عن أربع جزر .. كوالالمبور و لينكآوي و بينيغ و الكآميرون .
كوالا يبي لك فيها خمس أيام ، ولينكآوي أربع أيام ، وبينيغ يومين والكآميرين يومين .
جزيرة كوالا مثل دبي وأفضل .. يعني أبراج وعمآير شآهقة مقل التوينز تآور ، وأنواع الملآهي الفللللللة مثل سن وآي لآغون المآئية ومرتفعات جينتيق للألعاب ، وأسوآق ضخمة وحدايق كبيرة وفخمة مثل حديقة الطيور وحديقة الفرآشات وحديقة الفرآشات المضيئة وحديقة الورود .
جزيرة لينكآوي منطقة خضرآء ومستوية يسمونها أهلها " جنة الدنيا " فيها خضآر مب صآحي وأشجار ، وحديقة الفوآكة جنآن ، وتيلفريك فوووووق ، وفيه مكآن اسمه " عآلم مآ تحت البحآر " تروح تدخله تنزل تحت وتشوف الأسمآك شيء خيآل ، وفيه مكآن تروح له تركب قآرب صغير بالسوآق حقه يطلع بك لرحلة لمدة ثلاث ساعات يوديك لمكآن اسمه " المآنغروف " شيء مب طبيعي تشوف نسور تمر من عندك وتدخل على كهوف وتطلع عليك خفافيش وتمر على تمآسيح وأشياء كذا .. وتقدر توقف عند مطعم على البحر تطلب لك وجبة بحرية يصيدها لك من البحر ويشويها لك أو يقليها حسب الرغبة . وفيه شآطيء لو تروح له يمكن تقلب عليك حرمتك فأنا من الآن مب مسؤول هههههه وتقدر تركب بآرآشوت وتطير أنت والمدآم << ونآآآآسة هههه .
جزيرة بينيغ فيها مصنع شوكولاته تحط فيه قطعة كبيرة من الشوكولآته بحجم التلفزيون مثلآ وتطلع لك من الجهة الثآنية على شكل قوآلب أنت مختارها .. وفيها شلآلآت حلوة .
جزيرة الكآميرون بآردة شوي .. لأنها مرتفعة وفيها جبآل كثير وبآلتالي فيها شلالات طويلة مرة .. وهي الوحيدة اللي فيها أشجار فرآولة .
التنقل بين الجزر يكون بالطيرآن المحلي .. التذكرة قيمتها من 100 - 200 ريال حسب موعد شراء التذكرة
إلا بين جزيرة لينكآوي وجزيرة بينيغ تقدر تسآفر بينهم عن طريق السفينة .. تروح للمينآء وتشتري تذكرة بمية ريآل وتجي الصبآح بدري على الموعد وتروح .. المسآفة بينهم تقريباً 400 كيلو ،، يعني أربع سآعات وأنت على سطح البحر .. السفينة تستوعب 300 رآكب .. الصرآحة كآنت تجربة روعة بكل مآ تعنيه الكلمة .
أسعار الفنآدق هنآك على حسب .. يعني حنا أخذنا أربع نجوم سعر الغرفة لليلة 250 ريال
حجزنا الفنآدق عن طريق موقع Booking وتذاكر الطيران المحلي من نفس الفندق
التنقل يكون بالتآكسي .. وأسعار المشآوير بالعداد .. وشركآت التآكسي عندهم قمة في الجودة والأخلاق والأمآنة
المطآعم خآيسة .. لأنه ثقافتهم بالآكل تختلف عنا .. سلمني على الشآم بس ههههه
حنا سوينا مضآعفة لأربآح مآك وكنتآكي من كثر مآ جيناهم .. وعلى فكرة سعر الوجبة في مآك نصف سعرها اللي هنا بالريآض
اللغة يا حبيبي اللغة خخخخ .. الشعب هنآك يتكلم مآليزي ويتميز بالقدرة على التكلم بالإنجليزي
شعب مثقف ومحترم .. الأمور الرسمية مثل المطآرات والفنآدق أتوقع أنك بتحتاج شوية إنجليزي
أما في الأمور العآدية مثل المطآعم والتآكسي والمتآحف والأسوآق والمنتزهآت ممكن تصآدف أشخآص يطقطقون عربي
أحيانأ نقآبل مآليزيين يتكلمون عربي بس عربي مكسر .. مثل الهنود اللي عندنا هههههههه
أمممم مدري إذا نسيت شيء أو لا .. عموماً هذا اللي عندي حآلياً ..
وإذا عندك حسآب على الفيسبوك وتبي تتفرج على بعض الصور ..
أطلب صدآقتي على الفيسبوك وتفرج على الصور اللي في بروفايلي
تقريباً أضفت خمس مئة صورة منوعة تتكلم عن مآليزيا في ثلآث ألبومات ..
سي يو .. ~
| 